«Regal House Publishing» baspasynan amerıkalyq jazýshy Djýdıt Lınberg «Aqmaral» romany jaryqqa shyqty. Bul týraly “Egemen Qazaqstan” basylymy jarııalady, dep habarlaıdy “Adyrna” ulttyq portaly.
Aqparatqa súıensek, romanda ejelgi Ortalyq Azııa alqabynda ómir súrgen kóshpeli taıpadan shyqqan jaýynger áıeldiń taǵdyry sýrettelgen. Týyndy qazir AQSh-tyń kitap dúkenderinde satylyp jatyr. Oqıǵalary ózgeshe, taqyryby tyń bolǵandyqtan, atalǵan shyǵarma muhıtttyń ar jaǵyndaǵy ádebı synshylardyń da nazaryn aýdarypty.
«Aqmaral» – b.z.d. V ǵasyrda Ortalyq Azııa dalasynda ómir súrgen kóshpeli áıel-jaýynger týraly roman. Bul týyndy Qazaqstandaǵy Esikten tabylǵan Altyn adam men Tyvadan tabylǵan Sibir muz hanshasy týraly arheologııalyq zertteýlerge negizdelgen. Atalǵan taqyrypqa qatty qyzyqtym. Grek tarıhshysy Gerodottyń Troıa soǵysyna qatysqan amazonkalar týraly jazbalaryn da zerttedim. Osy kitapqa kirispes buryn shyǵarmashylyq izdenis aıasynda tarıhqa, Ortalyq Azııanyń keń kósilgen alqabyna jáne mádenıetine tereń úńildim. Shyǵarmany jazý barysynda kóshpelilerdiń mal sharýashylyǵy men ańshylyqqa negizdelgen dástúrli ómir saltyn túsinýge tyrystym. Meniń maqsatym – osy umyt qalǵan kóne mádenıetti adamzat tarıhynyń úlken hronologııasynda kórsetý boldy», deıdi shyǵarma avtory “Egemen Qazaqstan” basylymyna bergen suhbatynda.
