17 qańtarda Iran Islam Respýblıkasynyń prezıdenti Masýd Pezeshkıan Reseıge resmı saparmen keldi. Kelissózder barysynda Reseı prezıdenti Vladımır Pýtın men Iran basshysy ekijaqty yntymaqtastyqty damytý men óńirlik máselelerdi talqylap, strategııalyq áriptestik týraly mańyzdy kelisimge qol qoıdy, dep habarlaıdy "Adyrna" ulttyq portaly.
Kelisim qorǵanys, lańkestikpen kúres, energetıka, qarjy, kólik, ónerkásip, aýyl sharýashylyǵy, mádenıet, ǵylym jáne tehnologııa sııaqty salalardy qamtıdy. Bul kelisimniń maqsaty – eki el arasyndaǵy uzaq merzimdi jáne jan-jaqty yntymaqtastyqty nyǵaıtý.
Sapar barysynda Iran prezıdenti Reseı premer-mınıstri Mıhaıl Mıshýstınmen de kezdesý ótkizdi. Taraptar saýda-ekonomıkalyq baılanystardy damytý, gýmanıtarlyq jáne kólik-logıstıkalyq jobalardy júzege asyrý máselelerin talqylady.
Sarapshylar bul kelisimdi eki el arasyndaǵy qarym-qatynasty jańa deńgeıge kóteretin mańyzdy qadam retinde baǵalaýda. Taıaý Shyǵysty zertteý ortalyǵynyń sarapshysy Farhad Ibragımov bul qujat Reseı-Iran baılanystaryn strategııalyq seriktestik deńgeıinde bekitetinin atap ótti.
Sonymen qatar, bul kelisimniń Iran ekonomıkasynyń ósýine, Eýrazııalyq ekonomıkalyq odaq (EAEO) elderimen yntymaqtastyqty keńeıtýge jáne "Soltústik-Ońtústik" kólik dáliziniń damýyna yqpal etýi kútilýde.
