Jańa jyl qarsańynda shyrshany bezendirý kezinde bıikten qulap, basynan aýyr jaraqat alǵan semeılik muǵalim Qýat Aıtqalıevtiń isin eńbek ınspekııasy tekserip boldy. Jumys berýshiniń kinási 100% dáleldendi. Bul týraly eńbek ınspekııasy málimet taratty, dep habarlaıdy “Adyrna” ulttyq portaly.
Sheshimge saı, jumysqa barmaǵan kúnderi úshin muǵalimge eńbekaqysy tolyq kólemde tólenedi.
Semeıdegi №49 mektepte qazaq tili men ádebıeti páninen beretin muǵalim aýyr jaraqatyna baılanysty jasalǵan otadan keıin jýyrda ǵana aýrýhanadan shyqqan. Dárigerler naýqastyń bas súıeginiń jartysyn alyp tastaǵan. Onyń ornyna eki aıdan keıin plastık qoıylady.
Atalǵan faktige baılanysty Qylmystyq kodekstiń 362-baby 4-tarmaǵy (bılikti nemese laýazymdyq ókilettikterdi asyra paıdalaný) boıynsha qylmystyq is ashylǵan.
Endi jumys berýshi zardap shekken muǵalimge em alyp jatqan kezdegi jalaqysyn tolyq kólemde tóleýge mindetteledi. Sonymen qatar aqyly túrde júrgizilgen emniń barlyq shyǵyndaryn óteıdi.
Eske salaıyq, jańa jyl merekesi qarsańynda shyrsha bezendirýge zańsyz tartylǵan 3 muǵalimniń biri bıikten qulap, zardap shekken edi. Osy oqıǵadan keıin Semeıdegi bilim bóliminiń bastyǵy qyzmetinen qýyldy, al dırektorlar sógis aldy. Muǵalimniń áıeli kúıeýiniń múddesin qorǵap, jumysqa zańsyz shaqyrylǵanyn, ol úshin eshqandaı aqy almaǵananyn aıtqan bolatyn.
