Almatyda oq atqan jasóspirim ustaldy, dep habarlaıdy "Adyrna" ulttyq portaly.
Bul týraly qalalyq polıııa departamentiniń baspasóz qyzmeti málimdedi.
«Keshe shamamen saǵat 17:00-de Almaty qalasynyń polıııasyna belgisiz jas jigittiń aýaǵa eki ret oq atyp, keıin oqıǵa ornynan qashyp ketkeni týraly habarlama tústi. Tártip saqshylary buzaqyny ustap, onyń 16 jastaǵy jasóspirim ekenin anyqtady. Ol dybystyq tapanshadan buzaqylyq nıetpen oq atqanyn moıyndady»,– dep habarlady Almaty polıııa departamentiniń baspasóz qyzmeti.
Jasóspirim qarýdy zańsyz qoldanǵany úshin jaýapkershilikke tartyldy.
«Sonymen qatar, jasóspirimniń zańdy ókiline kámeletke tolmaǵan balany tárbıeleý mindetterin oryndamaǵany úshin hattama toltyryldy. Polıııa «Zań jáne tártip» qaǵıdaty negizinde áreket ete otyryp, Qazaqstan Respýblıkasynyń zańdary men qoǵamda qabyldanǵan tártip normalaryn qatań saqtaýǵa shaqyrady», – dep tolyqtyrdy PD.
