Talǵarda kisi qolynan qaza tapqan Sherzat Polattyń ápkesi Baqyt Reımova Qazaqstanda qalýy múmkin, dep habarlaıdy "Adyrna" ulttyq portaly.
Bul týraly áleýmettik jelide advokat Meıirman Shekeev pen bloger Jan Ahmadıev habarlady.
Almaty oblysynyń prokýratýrasy Bas prokýratýranyń kelisimimen Joǵarǵy sotqa Baqyt Reımovany deportaııalamaı, jazasyn basqa jolmen óteý týraly ótinish joldaǵan. Endi onyń elde qalý máselesin Joǵarǵy sot sheshedi.
Eske salsaq, Baqyt Reımova baýyry Nurǵanattyń qazasynan keıin «mıtıngke shaqyrdy» dep aıyptalyp 15 táýlikke qamalǵan edi. Sondaı-aq, basqa eldiń azamaty bolǵany úshin sot ony Qazaqstannan deportaııalaý jóninde sheshim shyǵarǵan.
Baqyt Reımova elden shyǵarylsa, onyń kámeletke tolmaǵan uly Meıirbek Reımov asyraýshysyz jalǵyz qalýy múmkin. Jetkinshek anasynan aıyrmaýdy surap, prezıdentke úndeý jasaǵan.
Advokat Meıirman Shekeev BUU-nyń bala quqyǵy týraly konvenııasyna saı bala men anany ajyratýǵa bolmaıtynyn eske saldy. Sonymen qatar, ol 1989 jyly qabyldanǵan bul talapty saqtaýǵa Qazaqstan mindetti ekenin alǵa tartty.
