Ońtústik Koreıa tergeýshileri ýaqytsha qyzmetinen shettetilgen, biraq qyzmetin jalǵastyryp jatqan el prezıdenti Iýn Sok Ioldi "búlik jasady" degen aıyppen qamaýǵa aldy, dep habarlaıdy "Adyrna" ulttyq portaly Yonhap agenttigine silteme jasap.
«Basqarma prezıdent Iýn Sok Ioldi "búlikke jetekshilik etti" degen aıyppen qamaýǵa aldy», – delingen agenttik habarlamasynda.
15 qańtar kúni tańerteń tergeýshiler memleket basshysynyń rezıdenııasyna kelip, ony qamaýǵa almaq bolǵan. Alaıda olar prezıdenttiń qaýipsizdik qyzmetimen qaqtyǵysqa túsken. Shamamen 2,5 saǵat ótken soń, baspaldaqtardy paıdalanyp, polıııa men joǵary laýazymdy sheneýnikterge qatysty sybaılas jemqorlyqty tergeý basqarmasynyń (CIO) qyzmetkerleri rezıdenııaǵa kirgen.
Operaııaǵa 200-ge jýyq polıeı men CIO-nyń 40 tergeýshisi qatysty.
Keıin belgili bolǵandaı, Iýn Sok Iol qaıǵyly oqıǵalardyń aldyn alý úshin tergeýge ózi barý týraly sheshim qabyldaǵan. Sonymen qatar, rezıdenııany kúzetip turǵan áskerı bólimsheler tergeýshilerge qamaýǵa alý orderin oryndaýǵa kedergi keltirmeýge kelisken.
Ońtústik Koreıa tergeýshileri 3 qańtarda ýaqytsha shettetilgen prezıdentti qamaýǵa alý orderin oryndaýǵa tyrysqan bolatyn. Biraq bes saǵattan astam ýaqytqa sozylǵan prezıdent kúzetimen bolǵan qaqtyǵystan keıin bul áreketti toqtatýǵa májbúr boldy. Joǵary laýazymdy tulǵalardyń sybaılas jemqorlyǵyn tergeý basqarmasy order oryndaýdan bas tartý sebebin sol jerde bolǵan qyzmetkerlerdiń qaýipsizdigine tóngen qatermen túsindirdi.
Iýn Sok Iol áskerı tóńkeris jasap, elde áskerı jaǵdaı jarııalady jáne parlamenttiń tótenshe jaǵdaıdy joıý úshin daýys berýine kedergi jasaý maqsatynda ásker jiberdi dep aıyptalyp otyr.
Sońǵy jyldary Ońtústik Koreıa prezıdentteri jıi aıyptalyp, sottalatyn boldy.
