Iran prezıdenti Masýd Pezeshkıannyń Máskeýge sapary qarsańynda jan-jaqty strategııalyq seriktestik kelisimine qol qoıylady dep kútilýde. Al Irannyń rýhanı jetekshisiniń keńesshisi Álı Larıdjanı Reseıge birneshe ret qupııa mıssııamen barǵan. Bul týraly «The Times» gazeti 13 qańtar kúni jazdy, dep habarlaıdy “Adyrna” ulttyq portaly.
Basylymnyń málimetinshe, batys barlaý qyzmeti Larıdjanıdiń saparlarynyń basty maqsaty - Tegerannyń ıadrolyq baǵdarlamasyn damytýda Máskeýden kómek alý nıeti dep sanaıdy.
Sonymen qatar, batys barlaý qyzmetteri ókilderiniń aıtýynsha, Iran Reseıden Sý-35 joıǵysh ushaqtarynyń jańa nusqasyn alý jáne Izraıl joıǵan PVO júıelerin qalpyna keltirýdi maqsat etip otyr.
“Odan bólek, Tegeran Máskeýden Lıvannyń radıkaldy shııttik "Hezbolla" qozǵalysyn qarýlandyrýda kómek alýdy kózdeýde, onyń arsenalyn Izraıl joıǵan bolatyn”, dep jazdy The Times.
Gazettiń habarlaýynsha, Máskeýde Iran parlamentiniń burynǵy tóraǵasy jáne Islam revolıýııasy Saqshylar korpýsynyń burynǵy ofıeri Álı Larıdjanı Ýkraınaǵa qarsy soǵysta paıdalaný úshin Reseıge ırandyq ushqyshsyz ushaqtar men zymyrandardy jetkizý máselesin talqylady.
Aıta ketsek, 2024 jyldyń maýsym aıynda Reseı prezıdenti Vladımır Pýtınniń Phenıanǵa saparynan keıin Reseı men Soltústik Koreıa arasynda strategııalyq seriktestik týraly kelisimge qol qoıyldy. Uqsas qujat 17 qańtarda Masýd Pezeshkıannyń sapary aıasynda RF men Iran arasynda da jasalýy múmkin.
