"Qazgıdromet" respýblıkalyq meteorologııalyq qyzmeti Almaty, Shymkent, Aqtóbe jáne Astana qalalarynyń turǵyndaryna aýanyń lastanýynyń qolaısyz meteorologııalyq jaǵdaılary týraly eskertý jasady, dep habarlaıdy "Adyrna" ulttyq portaly.
"2025 jylǵy 11 qańtarda Almaty, Shymkent, Aqtóbe jáne Astana qalalarynda aýanyń lastanýynyń qolaısyz meteorologııalyq jaǵdaılary kútilýde", - delingen habarlamada.
Mamandardyń málimetinshe, atalǵan qalalarda zııandy zattardyń atmosferada jınalýyna ákeletin tabıǵı qubylystar kútiledi. Bul jaǵdaılar, ásirese, álsiz jel, tuman jáne ınversııa áserinen oryn alady.
Qolaısyz aýa raıy turǵyndardyń densaýlyǵyna keri áser etedi. Sondyqtan sheteldik ǵalymdar mundaı jaǵdaıda halyqqa densaýlyqtaryna muqııat bolýdy, múmkindiginshe dalada uzaq ýaqyt júrmeýdi, aýany tazartatyn qurylǵylardy paıdalanýdy jáne maska taǵýdy usynady.
