Qaraǵandy oblysynda TJM qutqarýshysy Symbat Eanov qarly boran kezinde kórsetken erligi úshin “Erligi úshin” medalimen marapattaldy, dep habarlaıdy “Adyrna” ulttyq portaly.
Prezıdent Jarlyǵymen Symbat Eanov qyzmettik boryshyn adal oryndap, qıyn jaǵdaıda batyldyq tanytqany jáne adamdardyń ómirin qutqarǵany úshin marapatqa ıe boldy. Ol Qaraǵandy oblysy TJD Osakarov aýdany Tótenshe jaǵdaılar bóliminiń №17 órt sóndirý avtokóliginiń júrgizýshi-qyzmetkeri bolyp qyzmet etedi.
2025 jyldyń 3 qańtarynda Almaty-Ekaterınbýrg tas jolynda Nura-Qaraǵandy baǵytynda kele jatqan avtobýs qar qursaýynda qalyp qoıǵan. Symbat Eanov pen onyń áriptesteri dereý kómekke baryp, 30-dan astam jolaýshyny, sonyń ishinde 5 balany evakýaııalady. Qatty boran men kórinbeýshilikke qaramastan, Symbat Eanov óz kóligimen qutqarýshylarǵa jol kórsetip, qaýipsiz qozǵalysty qamtamasyz etti.
"Qutqarýshylar oqıǵa ornyna jetkennen keıin jaǵdaıdy baǵalap, 30-dan astam jolaýshyny, onyń ishinde 5 balany evakýaııalaýǵa kiristi. Alaıda, aýa raıynyń nasharlaýyna jáne joldyń kórinbeýine baılanysty Symbat Eanov qutqarýshylarǵa jol kórsetip, kóliktiń aldynda júrip qaýipsiz alyp júrýdi qamtamasyz etti”, – delingen habarlamada.
