Qaraǵandy oblysynda «Taza Qazaqstan» ekologııalyq baǵdarlamasyn júzege asyrý jalǵasýda. Qysqy ýaqytta ormanshylar men ańshylyq sharýashylyǵynyń mamandary jabaıy janýarlardy ǵana emes, qustardy da qorektendirýmen aınalysady. Baǵdarlama aıasynda sýyq aýa raıy bastalǵannan beri qustarǵa arnalǵan shamamen 200 uıa men jemsalǵysh ornatyldy. Olar tek orman alqaptarynda ǵana emes, qalalyq aýmaqtarda da ornatylýda.
Tabıǵı resýrstar jáne tabıǵatty paıdalaný basqarmasynyń ormanshylary jemsalǵyshtar men uıalardy qolda bar materıaldardan jasaıdy. Qys boıy qustarǵa arnalǵan jemsalǵyshtarda azyqtyń jetkilikti bolýyn qadaǵalaıdy.
Búgin Kırzovod zaýyty aýdanynyń aǵashty alqabynda 10-nan astam qus uıasy ornatyldy.
– Qysta qustar bizdiń kómegimizge óte muqtaj, óıtkeni aıazdy kúnderi men qar qalyń bolǵanda, olarǵa ózdiginen azyq tabý qıynǵa soǵady. Sondyqtan men oblys turǵyndaryn beı-jaı qalmaýǵa, múmkindiginshe jemsalǵyshtar men qus uıalaryn jasap, olardy qala aýmaǵynda ornalastyrýǵa shaqyramyn. Alaıda, qustardy azyqtandyrý kezinde belgili bir erejelerdi saqtaý qajet. Qustardy tuzdy, qýyrylǵan, buryshtalǵan taǵamdarmen, sondaı-aq toqashtarmen, jańa pisken aq nanmen, qara nanmen nemese badammen qorektendirýge bolmaıdy, – deıdi Qaraǵandy oblystyq orman jáne janýarlar álemin qorǵaý sharýashylyǵynyń ańshysy Aleksandr Moskalenko.
2024 jyldyń maýsym aıynan bastap búgingi kúnge deıin Qaraǵandy oblysynda ekologııalyq «Taza Qazaqstan» akııasynyń aıasynda jeti iri jáne aýqymdy is-shara uıymdastyrylyp, sátti ótkizildi. Oǵan semınarlar, trenıngter, aqparattyq akııalar, forýmdar jáne mádenı-baǵdarlamalyq is-sharalar kirdi. Bul is-sharalar ekologııalyq saýattylyqty arttyrýǵa, ekologııalyq mádenıetti damytýǵa jáne azamattardy qorshaǵan ortany jaqsartý boıynsha belsendi is-áreketterge tartýǵa baǵyttalǵan keń aýqymdy máselelerdi qamtydy.
