Meksıka prezıdenti Klaýdıa Sheınbaým Donald Tramptyń Meksıka shyǵanaǵynyń ataýyn ózgertý týraly málimdemesine jaýap retinde AQSh-qa XVII ǵasyrdaǵy tarıhı ataýyn qaıtarýdy usyndy, dep habarlaıdy "Adyrna" ulttyq portaly NBC News-ke siltep.
AQSh-tyń burynǵy prezıdenti Donald Tramp seısenbide Meksıka shyǵanaǵynyń ataýyn «Amerıka shyǵanaǵy» dep ózgertý týraly oı qozǵaǵan bolatyn.
Klaýdıa Sheınbaým bul pikirge jaýap retinde 1607 jyly Amsterdamda jasalǵan eýropalyq kartany kórsetti. Bul kartada AQSh aýmaǵy «America Mexicana» dep atalǵan. Prezıdenttiń aıtýynsha, bul ataý aımaqtyń tarıhı murasyn beıneleıdi jáne sımvolıkalyq mánge ıe.
"Nege biz «America Mexicana» dep atamasqa? Bul tarıhı dáldikke saı keledi jáne tamasha estiledi", – dedi Sheınbaým.
Prezıdent sondaı-aq Donald Tramptyń Meksıkany esirtki kartelderi basqarady degen málimdemesin joqqa shyǵardy.
"Meksıkany halyq basqarady", – dedi ol.
Aıta keteıik, «America Mexicana» ataýy 1814 jyly qabyldanǵan Apaıngan Konstıtýııasynda da qoldanylǵan. Bul qujat ıspan bıligine qarsy meksıkalyqtardyń táýelsizdik úshin kúresin beıneleıdi.
