Tájikstan men Qyrǵyzstan shekarasynda eki turǵyn snarıad jarylysynan zardap shekti, dep habarlaıdy "Adyrna" ulttyq portaly 24.kg saıtyna silteme jasap.
Tájikstanmen shekaralas ornalasqan Batken oblysynyń Arqa-2 aýylynda áıel óz úıiniń aýmaǵynda snarıad taýyp, onyń jarylýy saldarynan jaraqat aldy. Oqıǵa 5 jeltoqsan kúni oryn alǵan. Bul týraly Qyrǵyzstannyń ulttyq qaýipsizdik memlekettik komıtetiniń shekara qyzmeti aqparattyq ortalyǵy málimdegen.
Aqparatqa sáıkes, úı ıesi eski qurylys materıaldary men temirler jatqan shatyr astyn tazalap júrgen kezde snarıad taýyp, jarylys oryn alǵan. Áıel men 12 jastaǵy qyzy jaraqat alyp, aýrýhanaǵa jetkizilgen.
Keıinirek hırýrgtar tıisti operaııalar jasap, naýqastardyń jaǵdaıy turaqtalǵan.
Shekara qyzmeti ókilderiniń aıtýynsha, snarıad tabylǵan úı 2022 jyly tájik tarapynan bolǵan oq atý saldarynan órtengen. Sol ýaqytta eki el arasynda shekaralyq qaqtyǵys oryn alǵan bolatyn.
Qazirgi ýaqytta oqıǵa orny shekara qyzmetiniń ınjenerlerimen qorshalyp, polıııa tergeý jumystaryn júrgizýde.
Sondaı-aq oqıǵa bolǵan kúni qyrǵyz quqyq qorǵaý organdary tájik áriptesterine bolǵan jaǵdaı týraly habarlaǵan. Arnaıy qyzmet turǵyndardy shekara mańyndaǵy kúmándi zattardy ustamaýǵa shaqyryp, olardy baıqaǵan jaǵdaıda shekarashylarǵa nemese polıııaǵa dereý habarlaýdy ótinýde.
Tájik-qyrǵyz shekarasynyń uzyndyǵy 976 shaqyrymdy quraıdy. Onyń tek 664 shaqyrymy jaqynda ǵana delımıtaııalanyp, demarkaııadan ótken. Daýly aımaqtarda joldar, sý jáne jerge qoljetimdilik máselelerinen eki eldiń shekaralas turǵyndary arasynda jıi qaqtyǵystar týyndap otyrady. Eń iri qaqtyǵys 2022 jyldyń 15-16 qyrkúıeginde bolǵan. Bul oqıǵadan kóptegen adam zardap shekti. Shamamen 100 adam qaza taýyp, 150 myńnan astam turǵyn úılerin tastap ketýge májbúr boldy.
