Almatyda erli-zaıyptylardyń páterine kirip, ıelerine oq atqan 38 jastaǵy er adam ustaldy. Bul týraly Polıııa departamenti málimdedi, dep habarlaıdy “Adyrna” ulttyq portaly.
Aqparatqa sáıkes, 20 jeltoqsanda Almatynyń Naýryzbaı aýdanyndaǵy turǵyn úı keshenine qarýly adam basyp kirip, eki adamdy atyp ketken. Polıııanyń málimetinshe, qaraqshylyq shabýyl saldarynan erli-zaıyptylar aýyr jaraqat alǵan. Olar qazir aýrýhanada.
Bul qylmysty ashý maqsatynda jedel-tergeý toby quryldy. Shabýyl jasaǵan adamnyń kim ekeni anyqtaldy. Bul – Jetisý oblysynyń 38 jastaǵy turǵyny. Ol bir kún buryn ustalyp, qamaýǵa alyndy.
Kúdikti jaqynda ǵana ózi baryp, jańa jıhazdaryn ornatyp bergen erli-zaıyptyny tonamaq bolǵanyn moıyndady. Sol kezde olardyń seıfin baıqap qalǵan. Betin medıınalyq maska jáne sharfpen jasyryp, juma kúni tańerteń olardyń esiginiń qońyraýyn basqan. Jábirlenýshilerdi tapanshamen qorqytyp, olardan aqsha berýin talap etken. Alaıda otaǵasy kómekke shaqyra bastaǵan. Osy kezde kúdikti erli-zaıyptyny atyp, qashyp ketken.
Sotqa deıingi tergeý jalǵasyp jatyr. Qylmystyń basqa da mán-jaılary anyqtalady.
