Ońtústik Koreıada 29 jeltoqsanda Jeju Air áýe kompanııasynyń jolaýshylar ushaǵy apatqa ushyrady. Ushaq Bangkoktan Mýan halyqaralyq áýejaıyna qoný kezinde ushý-qoný jolaǵynan shyǵyp, qorshaýǵa soǵylǵan. Saldarynan ushaq ekige bólinip, órt shyqty. Bul týraly Qazaqstannyń osy eldegi elshisi qyzmetin atqarǵan, qazir Koreıada zertteýmen aınalysatyn Hangýk ýnıversıtetiniń professory Dýlat Baqyshevten surap kórdik.
Bortta 181 adam bolǵan, onyń ishinde 175 jolaýshy jáne 6 ekıpaj múshesi. Ókinishke qaraı, 179 adam qaza taýyp, tek eki ekıpaj múshesi aman qaldy. Olar ortasha jáne aýyr jaraqattarmen aýrýhanaǵa jetkizildi. Jolaýshylardyń basym bóligi Ońtústik Koreıa azamattary, sondaı-aq eki Taıland azamaty bolǵan.
Qazaqstandyq azamattardyń ushaqta bolmaǵany rastaldy.
Qutqarý jáne tergeý jumystaryna 720-ǵa jýyq adam tartyldy, olardyń qatarynda áýejaı qyzmetkerleri, órt sóndirýshiler, polıeıler, áskerı qyzmetkerler men jaǵalaý kúzeti bar. Apattyń naqty sebepteri tergeý barysynda anyqtalady.
Ońtústik Koreıadaǵy ushaq apaty avıaııa tarıhyndaǵy eń iri qaıǵyly oqıǵalardyń biri bolyp otyr. Tergeý nátıjeleri tolyqtaı jarııalanǵannan keıin apattyń naqty sebepteri men bolashaqta osyndaı jaǵdaılardy boldyrmaý joldary anyqtalady.
Al osydan 4 kún buryn Azerbaijan Airlines áýekompanııasynyń Bakýden Groznyıǵa baǵyt alǵan jolaýshylar ushaǵy apatqa ushyraǵan. Apat saldarynan 38 adam qaza taýyp, 29 adam tiri qalǵan.
Búgingi oqıǵaǵa qatysty 2012-2018 jyldary Qazaqstannyń Koreıa Respýblıkasyndaǵy Tótenshe jáne ókiletti elshisi bolǵan, qazir de osy elde ǵylymı zertteýmen aınalysatyn Hangýk ýnıversıtetiniń Ortalyq Azııa kafedrasynyń professory Dýlat Baqyshevten keńirek bilýge tyrystyq. Bir aıta keterligi ol da ushaqpen jolaýshylap bara jatyr eken.
- Koreıadaǵy ushaq apatynyń aldyn ala sebebi qandaı? Qandaı versııalar aıtylady?
- Mýan – provınııada ornalasqan áýejaı. Halyqaralyq áýejaı dárejesin alǵanyna da kóp ýaqyt ótpegen. Jańa reıs. Bálkim, áýejaıdyń ınfraqurylymy, qyzmetterinde kemshilik bolǵan shyǵar. Ol jerde tájirıbe azdaý degendi koreı BAQ - tary aıtyp jatyr.
Alaıda, mamandar qonýǵa baǵyt alǵanda ushaqtyń motoryna qustyń engenin bildiretin belginiń bolǵanyn da aıtýda. Sondyqtan apattyń egjeı - tegjeıin saraptaý qajet.
- Ushaqtyń aeroportqa qonyp, sosyn soǵylýyna ne sebep?
- Ushaq jóndi, ornyqty, ıaǵnı shtatty rejimde qona almaǵanǵa uqsaıdy. Sondyqtan da áýe kemesi qonǵan kúıi zymyrap baryp qorshaýǵa soǵyldy.
- Bálkim qısynsyzdaý suraq bolar, Bakýden ushqan ushaq pen Koreıadaǵy ushaq apatynyń uqsastyǵy bar ma?
- Eki apat arasynda eshbir uqsastyq joq degen oıdamyn. Árıne, mamandar, qurylǵan komıssııalar óz oılaryn dáıekti túrde aıta jatar.
- Biraq, eń basty aıyrmashylyq: birinshi jaıt soǵysyp jatqa elde oryn alsa, ekinshisi beıbit eldiń óz ushaǵynyń óz jerinde úshinshi taraptyń aralasýynsyz apatqa ushyraýy bolyp tabylady.
- Suhbatyńyzǵa raqmet!
Symbat Naýhan
«Adyrna» ulttyq portaly
