Aqtaý mańynda oryn alǵan áýe apatynan keıin iz-túzsiz joǵalǵan ázerbaıjandyq áıel Mýslıýmat Sıradjova tabyldy, dep habarlaıdy “Adyrna” ulttyq portaly.
Jergilikti BAQ onyń aýrýhanaǵa koma jaǵdaıynda túsken, biraq qazirgi ýaqytta esin jıyp, óz-ózine kelgenin habarlaǵan.
Ázerbaıjannyń Zagatal aýdanynyń turǵyny Nýrýlla Sıradjov esimdi er adam apattan keıin áıelin taba almaı, alańdaǵanyn jetkizgen.
”Qazir qandaı jaǵdaıda ekenin bilgim keledi. Onymen kezdeskim keledi. Ushaqta birge otyrǵanbyz. Odan keıin kórmedim. Men saǵynǵan jalǵyz adam - áıelim", – degen bolatyn ol.
Qazir Mýslıýmat Sıradjova esin jıyp, aty-jónin aıta bastaǵan. Onyń janynda uly bar ekeni habarlandy.
Aıta keteıik, 25 jeltoqsanda Ázerbaıjan áýe joldarynyń (AZAL) Embraer 190 ushaǵy Baký–Groznyı baǵytynda ushyp bara jatyp, Aqtaý mańynda apatqa ushyraǵan bolatyn.
