Aqtaý mańyndaǵy ushaq apaty týraly bortserik Zýlfýgar Asadov málimetimen bólisti, dep habarlaıdy “Adyrna” ulttyq portaly
golosameriki.com saıtynda jarııalaǵandaı, bortserik Zýlfýgar Asadovtyń aıtýynsha, Groznyıǵa tumanǵa baılanysty qonýǵa tyıym salynǵan, sondyqtan ushaq syrtynan dybys estilgen kezde ushqysh aınalyp ketken.
«Ushqysh ushaqty jańa ǵana kótere bastady (bıiktikke qaıta oralǵan kezde) men sol qanattan dybys estidim. Úsh soqqy boldy», - dedi ol.
Ol sol qolyna birdeńe soǵylǵanyn sezgen, al kabınada qysymdy tómendetý bastalǵan.
«Kapıtan oǵan ushaqty teńizge qondyrýǵa keńes bergenin aıtty, biraq ol Aqtaýǵa bet alyp, ony jerge qondyrýdy uıǵardy. Ol qoný qıyn bolatynyn eskertip, daıyn bolýdy jáne jolaýshylardy daıyndaýdy surady»,- dedi bortserik Asadov.
Eske sslsaq, 25 jeltoqsan kúni Baký-Groznyı baǵytynda ushqan AZAL-ǵa tıesili Embraer 190 jolaýshylar ushaǵy Aqtaý áýejaıynan 3 shaqyrym jerde apatqa ushyrady. Ushaq bortynda 67 adam (62 jolaýshy jáne 5 ekıpaj múshesi), Reseı, Ázirbaıjan, Qazaqstan jáne Qyrǵyzstan azamattary bolǵan. 38 adam qaıtys boldy.
