10 jeltoqsan kúni Almaty qalasy Qoǵamdyq damý basqarmasynyń qoldaýymen Alatau Creative Hub ınnovaııalyq mádenı ortalyǵynda «Adam saýdasy qurbandaryna kómek kórsetýdegi ózekti máseleler» atty jobanyń qorytyndy dóńgelek ústeli ótti.
Is-sharaǵa memlekettik organdar, quqyq qorǵaý uıymdary, polıııa departamenti, medıına qyzmetkerleri, psıhologtar men pedagogtar qatysty.
Dóńgelek ústeldiń maqsaty — adam saýdasyna qarsy kúres jolynda atqarylyp jatqan jumystardy talqylap, zańnamalyq jáne praktıkalyq turǵyda týyndap otyrǵan máselelerdi anyqtaý, sondaı-aq adam saýdasynyń qurbandaryna tıimdi kómek kórsetý joldaryn qarastyrý boldy.
Jıyndy Almaty qalasy ákimdiginiń Qoǵamdyq damý basqarmasy Azamattyq basqarmaardy qoldaý bóliminiń bas mamany Baýyrjan Amantaıuly ashyp, “Adam saýdasy qurbandaryna kómek kórsetýdegi ózekti máseleler” atty joba aıasynda jumys istegen mamandarǵa alǵysyn bildirdi.
Is-shara barysynda birneshe negizgi máseleler kóterildi.
Aldymen, Almaty qalasy departamentiniń polıııasy Jadyra Qańtarbaeva quqyq qorǵaý organdarynyń úılesimdiligi men úılestirý máseleleri týraly aıtty. Onyń aıtýynsha, quqyq qorǵaýshylar men azamattyq qoǵam arasyndaǵy ózara árekettestik kóbinese jetispeýshilikke ushyraýda. Bul qurbandarǵa ýaqytynda kómek kórsetýge kedergi keltiredi.
”Biz bul joba aıasynda ákimshilikpen jáne birneshe mamandarmen birigip jumys isteı otyra, adam saýdsy qurbandaryn anyqtadyq. Saýna, monsha syndy jerlerdi teksere kele, keıbir májbúrli túrde qyzmet etýshilerdiń bar ekenin bildik. Bul is boıynsha jumystar júrgizilýde. Sonymen qatar, adam saýdasy máselesine beı-jaı qaramaýdy suraımyn. Barlyǵymyz birigip júmys isteýimiz qajet”, dedi Jadyra Qańtarbaeva.
Sonymen qatar, shara barysynda adam saýdasy qurbandaryna psıhlogııalyq kómektiń qajettiligi týraly aıtyldy. № 29 qalalyq emhana psıhology Zohıda Torokanovnanyń aıtýynsha, adam saýdasy qurbandary kóbinese jaraqattar men psıhologııalyq problemalarǵa tap bolady, olarǵa kásibı psıhologtar men áleýmettik qyzmetkerlerdiń qoldaýy qajet.
”Biz osy joba aıasynda adam saýdasy qurbandarymen baılanysyp, jumys istedik. Buryn mundaı máselege tap bolatyn adamdar az kórinetin. Degenmen elimizde adam saýdasynyń qurbandary kóp eken. Olarǵa aldymen, psıhologııalyq kómek kórsetýimiz qajet. Biz joba aıasynda halyqqa aqparattandyrý júrgizdik. Adam saýdasyna kýá bolǵan jaǵdaıda nemese qurbany bolǵanda ne isteý kerek, qaıda júginý keregin aıttyq. Bul másele jaı qaraýdy qajet etpeıdi”, dedi psıholog maman.
Joba aıasynda atqarylǵan eń mańyzdy isterdiń biri - adam saýdasy týraly bilim men aqparatty halyq arasynda keńinen taratý. Sebebi bul qylmys kóbinese jasyryn túrde júredi jáne qoǵamnyń habardarlyǵy máselesi ózekti bolyp otyr.
Sondaı-aq, Almaty qalasy Alataý aýdandyq medıınalyq birlestiginiń basshysy Aqmıra Mahambetqalıqyzy adam saýdasy qurbandaryna psıhologııalyq kómekpen qatar, medıınalyq kómektiń asa qajet ekenin aıtty. Onyń aıtýynsha, adam saýdasynyń qurbandary kóp jaǵdaıa jabylyp, medıınalyq kómekke júginbeı qalady. Sondyqtan osyndaı jobanyń júrgizilýi mańyzdy.
Is-shara sońynda qatysýshylar birigip, adam saýdasynyń qurbandaryna kómek kórsetýdiń jańa tásilderi men tıimdi ádisterin anyqtaý úshin usynystar ázirleýdi usyndy. Keleshekte osyndaı dóńgelek ústelderdi jıi ótkizip, qoǵam men quqyq qorǵaý organdarynyń kúsh biriktirýi mańyzdy ekendigi atap ótildi.
