24 jeltoqsan kúni keshke Almatyda Grand Park saýda-oıyn-saýyq ortalyǵynyń janynda atys boldy, dep habarlaıdy "Adyrna" ulttyq portaly. Bul týraly kýágerler áleýmettik jelilerde jazdy.
"Grand Parktyń" janynda atys boldy. Jaraqat alǵandar bar. Polıııa men jedel járdem qyzmetkerleri keldi", – dep jazdy oqıǵa kýágerleriniń biri.
Almaty qalasy Polıııa departamentiniń baspasóz qyzmetiniń málimetinshe, 102 pýltine Qabdolov kóshesinde oq atylǵany týraly habarlama túsken.
"Patrýldik polıııa qyzmetkerleri 18 jastaǵy er adamdy dereý ustady. Odan sıgnaldy tapansha tabylyp, tárkilendi. Aýezov aýdandyq polıııa basqarmasy bul oqıǵa boıynsha buzaqylyq faktisimen qylmystyq is qozǵady", – dep habarlady vedomstvo.
Eske sala keteıik, 20 jeltoqsan kúni de Almatyda Naýryzbaı aýdanyndaǵy turǵyn úı kesheninde atys oryn alǵan edi. Belgisiz er adam páterge basa-kóktep kirip, eki adamǵa oq atqan. Polıııa qyzmetkerleri kúdiktini izdep jatqanyn málimdegen bolatyn.
