Senbi kúni tańerteń Tatarstan astanasy Qazan qalasy jappaı drondar shabýylyna ushyrady, dep habarlaıdy "Adyrna" ulttyq portaly.
Jergilikti bılik málimetinshe, segiz dronnyń altaýy turǵyn úılerge, onyń ishinde eki bıik ǵımaratqa soǵylǵan. Ýkraına tarapy bul oqıǵaǵa qatysty pikir bildirmedi.
«Jalpy segiz dron tirkeldi. Onyń biri ónerkásiptik kásiporynǵa, biri ózenniń ústine, altaýy turǵyn úılerge tústi. Osy ýaqytqa deıin qaza tapqandar men zardap shekkender joq», – dep habarlady Tatar-ınform agenttigi.
Reseıdiń Qorǵanys mınıstrligi shabýyl barysynda úsh drondy áýe qorǵanysy júıesimen atyp túsirgenin jáne taǵy úsh drondy radıoelektrondy kúres quraldarymen beıtaraptandyrǵanyn málimdedi. Mınıstrlik málimetinshe, shabýyl saǵat 7:40-tan 9:20-ǵa deıin sozylyp, drondar úsh tolqynda ártúrli baǵyttan jiberilgen.
Telegram-arnalarda jarııalanǵan vıdeolarda drondardyń biri 37 qabatty «Lazýrnye nebesa» turǵyn úı keshenine soǵylǵany baıqalady. Oqıǵa ornyna tańerteń Tatarstan basshysy Rýstem Mınnıhanov kelip, jaǵdaımen tanysty. Bılik málimeti boıynsha, turǵyndar zardap shekpegenimen, joǵary qabattardan lıftsiz evakýaııalanýǵa májbúr bolǵan. Ǵımarattyń terezeleri synǵan.
Drondar 23 qabatty «Manhetten» turǵyn úı kesheni men Klara etkın kóshesindegi bes qabatty turǵyn úıge de soǵylǵan.
Al Ýkraına tarapy shabýylǵa qatysty pikir bildirgen joq.
