20 jeltoqsan kúni keshke Germanııanyń Saksonııa-Anhalt federaldy shtatyndaǵy Magdebýrg qalasyndaǵy Rojdestvo bazarynda qaıǵyly oqıǵa oryn alǵan bolatyn. Qara BMW kóliginiń júrgizýshisi bazarǵa soqtyǵysyp, adamdardy qaǵyp ótken. Kúdiktiniń kim ekeni anyqtaldy, dep habarlaıdy "Adyrna" ulttyq portaly.
DW basylymynyń habarlaýynsha, kólik saýda alańyna tolyq jyldamdyqpen kirip, 400 metr júrip, jolyndaǵy adamdardy qaqqan. Oqıǵa ornynda polıeıler kólikti toqtatyp, kúdiktini ustady.
Shabýyl jasaǵan azamat – 1974 jyly týǵan Saýd Arabııasynyń týmasy. Ol Germanııaǵa 2006 jyly kóship kelip, saıası bosqyn mártebesin alǵan. Kúdikti dáriger bolyp jumys istegen jáne Bernbýrg qalasynda turǵan. Saýd Arabııasyndaǵy derekkózderine súıensek, bul azamattyń ekstremıstik mazmundaǵy jazbalar qaldyrǵany týraly aqparat Germanııa bıligine berilgen.
Germanııa kanleri Olaf Shol qaıtys bolǵandardyń otbasylaryna kóńil aıtyp, oqıǵa ornyna der kezinde kómek kórsetken qutqarýshylarǵa alǵys bildirdi. NATO Bas hatshysy Mark Rıýtte kanler Sholpen baılanysyp, uıymnyń Germanııaǵa qoldaý kórsetýge daıyn ekenin jetkizdi. Qazaqstan Prezıdenti Qasym-Jomart Toqaev Germanııa prezıdenti Frank-Valter Shtaınmaıerge kóńil aıtty.
