Qarjylyq ekstremızm jáne Qazaqstanda tyıym salynǵan uıymnyń jumysyna aralasty degen aıyppen 7 jylǵa sottalǵan jýrnalıst Dýman Muhamedkárim etappen Qyzylorda oblysyna jiberilgeni anyqtaldy, dep habarlaıdy "Adyrna" ulttyq portaly KursivMedia-ǵa siltep.
Advokat Ǵalym Nurpeıisovtyń aıtýynsha, jýrnalıst Taldyqorǵandaǵy tergeý ızolıatorynan Qyzylorda oblysyna jiberilgen. Alaıda jazasyn naqty qaı mekemede óteıtini týraly málimet ala almaı otyrǵanyn aıtady.
«№ 71 mekemede (Taldyqorǵan qalasynyń tergeý ızolıatory) quqyqtyq tártipti saqtaý maqsatynda sottalǵan adam (Dýman Muhamedkárim) sot úkimine sáıkes jazasyn odan ári óteý úshin QAJ mekemesine jiberildi», – delingen IIM jaýabynda.
Alaıda jýrnalıstiń naqty qaı mekemege túskeni týraly saýalǵa jaýap kelmedi. Tek ony etappen jiberý týraly sheshimge prokýror kelisimi bolǵany rastaldy.
