18 jeltoqsan, beısenbi kúni Tashkentte Qazaqstan Respýblıkasynyń Mádenıet jáne aqparat mınıstrligi men Ózbekstan Respýblıkasy Prezıdenti Ákimshiliginiń janyndaǵy Aqparat jáne buqaralyq kommýnıkaııalar agenttiginiń ókilderi kezdesý ótkizdi.
Kezdesý qorytyndysy boıynsha taraptar 2025 jylǵa arnalǵan aqparattyq saladaǵy ózara is-qımyl josparyna qol qoıdy.
Qujatqa Ózbekstan Prezıdentiniń 8 tamyzda Qazaqstanǵa jasaǵan saparynyń qorytyndysy boıynsha berilgen tapsyrmalar aıasynda qol qoıyldy. Sol saparda Qasym-Jomart Toqaev pen Shavkat Mırzııoev buqaralyq kommýnıkaııalar salasyndaǵy ekijaqty yntymaqtastyq týraly birlesken málimdeme men sheshim qabyldaǵan bolatyn.
Josparda medıakontent almasýdy uıymdastyrý, BAQ úshin trenıngter men semınarlar ótkizý, baspasóz hatshylarynyń biliktiligin arttyrý, jas jýrnalısterdi qoldaý jáne dezınformaııaǵa qarsy birlesken kúres qarastyrylǵan.
Qazaqstannyń Mádenıet jáne aqparat mınıstrligi birlesken medıajobalardy ıntegraııalaýdyń mańyzdylyǵyn jáne dezınformaııa men jalǵan jańalyqtarǵa qarsy kúres mehanızmderin ázirleý qajettiligin atap ótti.
Taraptar Qazaqstan men Ózbekstan arasyndaǵy tájirıbe almasý maqsatynda BAQ ókilderi úshin baspasóz týrlaryn uıymdastyrýǵa kelisti.
Sonymen qatar, kezdesý barysynda Qazaqstan Prezıdenti Teleradıo kesheniniń basqarýshy dırektory Robert Mýradıan Ortalyq Azııa elderimen yntymaqtastyq pen kontent almasýdy nyǵaıtýǵa baǵyttalǵan qazaqstandyq Silk Way telearnasynyń josparlary men perspektıvalary týraly aıtty.
Talqylaý qorytyndysy boıynsha taraptar kontent almasýǵa daıyn ekenderin bildirdi.
Aıta keteıik, 17-19 jeltoqsan aralyǵynda Qazaqstan delegaııasy Túrki memleketteriniń uıymyna múshe elderdiń aqparat jáne BAQ-qa jaýapty mınıstrler men joǵary laýazymdy tulǵalarynyń VI keńesine qatysyp jatyr.
