"Qazaqmys" korporaııasy Jezqazǵantústimetal óndiristik birlestigine kiretin Ońtústik-Jezqazǵan jáne Jylandy ken oryndary jumysshylarynyń talaptaryna jaýap berdi. Basshylyq jumysshylardyń jalaqysyn ósirmeıtinin málimdegen, dep habarlaıdy "Adyrna" ulttyq portaly.
17 jeltoqsan kúni Ulytaý oblysyndaǵy "Ońtústik Qazaqstan" kenishiniń №65 shahtasynyń qyzmetkerleri ereýilge shyqqan bolatyn. Ereýilshiler aldymen jalaqyny 30%, biraz ýaqyttan keıin 100% kóterýdi surady. "Qazaqmys" baspasóz qyzmeti korporaııanyń bas dırektory men kásipodaq ókilderi jumysshylarmen túsindirý jumystaryn júrgizgenin málimdedi.
"Kezdesý barysynda olar "Jezqazǵantústimetal" kompanııasynda eń tómengi jalaqy 363 myń teńge (jóndeý-mehanıkalyq mamandandyrylǵan basqarmanyń tazalaýshysy), medıanalyq jalaqy 650 myń teńge ekenin atap ótti. Bul rette Ulytaý oblysyndaǵy medıanalyq jalaqy 404 105 teńge, al Qazaqstan boıynsha ortasha jalaqy eki ese az, ıaǵnı 285 677 teńge", – dep habarlaıdy baspasóz qyzmeti.
200-den asa qyzmetker jalaqyny kóterýdi talap etken.
"Indeksaııa ulttyq statıstıka bıýrosy 2024 jylǵa bekitken ınflıaııa deńgeıine sáıkes júrgiziledi. Jalaqy 8,5%-ǵa artqan jaǵdaıda korporaııa boıynsha ortasha jalaqy 822 myń teńgege (2024 jyly – 730 431 teńge) jetedi. Al jer astyndaǵy mamandar úshin 1 303 000 teńge bolady (2024 jyly – 1 202 000 teńge). Jalaqynyń odan ári kúrt ósýi aımaqtarmen jáne salamen salystyrǵanda úlken aıyrmashylyq týǵyzyda. Sońynda kompanııanyń keıbir kenishteriniń básekege qabilettiligin tómendetip, olardy toqtap qalýǵa ákeledi", – dep esepteıdi korporaııa.
