17 jeltoqsan kúni tańerteń Shymkent qalasynda jeke turǵyn úıde órt shyǵyp, 52 jastaǵy áıel qaza tapty, dep habarlaıdy "Adyrna" ulttyq portaly.
Órttiń aýmaǵy 100 sharshy metrdi qurady. Qutqarýshylar oqıǵa ornynan 1972 jyly týǵan áıeldiń denesin tapty. Sonymen qatar, 2000 jáne 2001 jyldary týǵan eki azamat pen náreste zardap shekken. Olar tútinnen ýlaný saldarynan shuǵyl aýrýhanaǵa jetkizildi.
Jýrnalıst Mıhaıl Kozachkovtyń málimetinshe, qaza tapqan áıel Túrkistan oblysy tergeý sotynyń tóraǵasynyń burynǵy jubaıy bolǵan. Oqıǵa ornynan kerosın quıylǵan kanıstrler tabylǵan.
«Qazirgi ýaqytta bolǵan jaǵdaıdyń barlyq mán-jaıyn anyqtaýǵa baǵyttalǵan tergeý sharalary júrgizilýde. Is boıynsha tergeý Shymkent polıııa departamenti basshylyǵynyń baqylaýynda», — delingen habarlamada.
