Búgin QR Ǵylym jáne joǵary bilim mınıstri Saıasat Nurbek Memleket basshysynyń tapsyrmasy boıynsha jas ǵalymdarǵa 10 páter sertıfıkattaryn saltanatty túrde tabystady.
Prezıdenttiń 2024 jylǵy 31 mamyrda Ǵylym ordasynda jas ǵalymdarmen kezdesýinde bergen tapsyrmasyn oryndaý maqsatynda ǵalymdardyń áleýmettik mártebesin kóterý jáne qoldaý kórsetý, sondaı-aq ǵylymǵa jas kadrlardyń kelýin yntalandyrý úshin Respýblıkalyq komıssııa Almaty qalasynda baspana berý úshin memlekettik organdarǵa vedomstvolyq baǵynysty ǵylymı uıymdardyń, joǵary jáne joǵary oqý ornynan keıingi bilim berý uıymdarynyń jas ǵalymdarynyń kezekti tizimin aıqyndady.
Mınıstr Saıasat Nurbek jas ǵalymdarmen kezdesý barysynda ǵylym men ınnovaııany damytý – el damýynyń ekonomıkalyq baǵytynyń negizgi basymdyqtarynyń biri ekenin aıta otyryp, Memleket basshysynyń qoldaýymen ǵylym salasynda aıtarlyqtaı ózgerister bolǵanyna toqtaldy.
«Memleket basshysy «Ǵylym jáne tehnologııalyq saıasat týraly» Zańǵa qol qoıdy. Jas ǵalymdardyń zertteýlerin granttyq qarjylandyrýǵa arnalǵan konkýrstardyń nátıjesinde 1500 joba iske asyrylýda. Jyl saıyn álemniń jetekshi ǵylymı ortalyqtarynda 500 qazaqstandyq ǵalym taǵylymdamadan ótýde. Aldaǵy eki jylda jas ǵalymdardyń zertteýine bólinetin grant sany taǵy da kóbeıedi. Ǵylymı kadrlardy áleýmettik qoldaý tek bar mamandardy qoldap qana qoımaı, ǵylymı-tehnıkalyq progreske úles qosýǵa daıyn jas ǵalymdardyń jańa býynyn tartýǵa múmkindik beredi. Jas ǵalymdardyń kóbeıýi óz kezeginde ǵylymdy damytýǵa, zertteý nátıjelerin kommerııalandyrýǵa jáne jańa ekonomıkalyq klasterler qurýǵa yqpal etedi», - dedi Saıasat Nurbek.
Kezdesý barysynda jas ǵalymdardyń atynan sóz sóılegen Ulttyq ǵaryshtyq zertteýler jáne tehnologııalar ortalyǵynyń materıaltaný zerthanasynyń meńgerýshisi Laýra Mustafa elimizde jas ǵalymdarǵa kórsetilip jatqan qoldaý jaıly, ǵylymı-ınnovaııalyq jobalardy júzege asyrýda jas mamandarǵa arnalǵan baǵdarlamalar men múmkindikterdiń keńeıtilip jatqandyǵyn atap ótip, alǵysyn bildirdi.
Búgin kópten kútken jańa páter sertıfıkatyn alǵandar qatarynda ǵalymdar otbasysy da boldy. Jas ǵalymdar Aıdar Moldajanov pen Aqmaral Qulmahambetova – fılosofııa doktorlary, PhD. «Bizdiń qýanyshymyzdy sózben aıtyp jetkizý qıyn. Jas ǵalymdarǵa osyndaı berilip jatqan múmkindik úshin alǵys bildiremiz! Endi ǵalymdar óz páterlerinde turyp, turǵyn úı máselesin sheshýge alańdamaı, ǵylymǵa kóbirek ýaqyt bóle alady», - dep bólisti olar.
QR Ǵylym jáne joǵary bilim mınıstrligi aǵymdaǵy jylǵy mamyr aıynan bastap baspanaǵa muqtaj jas ǵalymdardyń (40 jasqa deıin qosa alǵanda) tizimin qalyptastyrý boıynsha jumys júrgizýde. Almaty qalasynda ornalasqan memlekettik organdarǵa vedomstvolyq baǵynysty ǵylymı uıymdar men joǵary oqý oryndarynan 300-ge jýyq ótinim kelip tústi.
Kezdesý sońynda, mınıstr jas ǵalymdardy qoldaý maqsatynda vedomstvo bul jumysty kezeń-kezeńimen júzege asyratynyn, osyndaı naqty sharalar arqyly elimizdegi ǵylymdy jáne ǵalymdar qaýymyn qoldaý jumysy aldaǵy ýaqytta da jalǵasyn tabatynyn atap ótti.
Atap óteıik, Memleket basshysy 2024 jylǵy 31 mamyrda Almaty qalasynyń 10 jas ǵalymyna turǵyn úı sertıfıkattary tabystady. Sonymen qatar 2023 jylǵy 19 qazanda QR Ǵylym jáne joǵary bilim mınıstrligi men «Otbasy bank» AQ arasynda jas ǵalymdarǵa 2023-2027 jyldarǵa arnalǵan jeńildetilgen kredıt berý baǵdarlamasy boıynsha yntymaqtastyq týraly kelisimge qol qoıdy. Qazirgi ýaqytta atalǵan baǵdarlama boıynsha 290 jas ǵalym jeńildikpen baspana aldy.
