Talıbandar úkimetiniń bosqyndar jáne repatrıaııa isteri boıynsha mınıstriniń mindetin atqarýshy Halıl Rahman Hakkanı Kabýlda jarylys saldarynan qaza tapty, dep habarlaıdy "Adyrna" ulttyq portaly.
Bul aqparatty «Talıban» qozǵalysynyń resmı ókili Zabıhýlla Mýjahıd rastady.
Bir derekter boıynsha jarylys bosqyndar isteri mınıstrliginiń aýmaǵynda bolǵan, al basqa málimetterge sáıkes, meshitte bolǵan. Hakkanımen birge taǵy úsh adam qaıtys boldy.
BAQ málimetterinde qaza tapqandar onyń oqqaǵarlary dep kórsetilgen.
Aıta keteıik, 58 jastaǵy Halıl Rahman Hakkanı 2021 jylǵy 7 qyrkúıekten bastap bosqyndar isteri mınıstriniń mindetin atqarýshy bolyp kelgen. Ol «Hakkanı jelisiniń» negizin qalaýshy Djalalýddın Hakkanıdiń baýyry jáne qazirgi jeliniń basshysy ári «Talıbannyń» ishki ister mınıstri Sıradjýddın Hakkanıdiń aǵasy edi. Onyń otbasy uzaq ýaqyt boıy «Talıbannyń» operaııalary men strategııasynda ortalyq ról atqaryp kelgen.
2011 jyly AQSh Qarjy mınıstrligi Halıl Hakkanıdi jahandyq qaýipti terrorısterdiń (SDGT) tizimine qosqan. Oǵan Aýǵanstan men Pákistandaǵy «Al-Kaıda» atynan áreket jasaǵany úshin aıyp taǵylǵan. AQSh úkimeti Hakkanıdi tutqyndaýǵa ákeletin aqparat úshin 5 mıllıon dollar syıaqy jarııalaǵan.
