Izraıldiń Áýe kúshteri Sırııadaǵy 250-den astam áskerı nysanǵa soqqy jasady. Bul - áýe kúshteriniń tarıhyndaǵy eń iri soqqy operaııalarynyń biri boldy. Bul týraly 10 jeltoqsan kúni armııalyq radıo Galeı AHAL óziniń derekkózderine silteme jasap jarııalady, dep habarlaıdy “Adyrna” ulttyq portaly.
Málimet boıynsha, Izraıldiń Qorǵanys armııasynyń (AHAL) nysanalarynyń arasynda Sırııanyń qulatylǵan prezıdenti Bashar Asadtyń armııasynyń bazalary boldy. Onda ondaǵan ıstrebıtelder, ondaǵan jer ústi ushaqtary, zymyrandy keshender, óndiristik alańdar men zymyran qoımalary joıyldy.
Londondaǵy Sırııa adam quqyqtary jónindegi baqylaý keńesi (SOHR) málimdegendeı, Asad bıligi qulaǵannan beri Izraıl Sırııaǵa shamamen 250 áýe soqqysyn jasaǵan. Quqyq qorǵaýshylardyń aıtýynsha, Izraıl armııasy Sırııadaǵy mańyzdy áskerı nysandardy joıǵan. Olardyń arasynda áýejaılar, qarý-jaraq jáne oq-dáriler qoımalary, sondaı-aq áskerı zertteý ortalyqtary bar.
SOHR soqqylardyń Sırııanyń ártúrli aımaqtaryna, sonyń ishinde Deır-ez-Zor, Hama jáne Homs provınııalaryna, Damaskqa jáne Reseıdiń áskerı bazalary ornalasqan Latakııaǵa jasalǵanyn atap ótti. Izraıl Latakııa portyndaǵy áýe qorǵanys nysanyna soqqy jasap, Sırııanyń Áskerı-teńiz kúshteriniń kemelerine zııan keltirdi, dep naqtylady quqyq qorǵaýshylar.
AFP aqparat agenttigi óziniń tilshisine silteme jasap, 10 jeltoqsannyń tańynda Damaskta qatty jarylystar estilgenin habarlady.
Qarý-jaraq toptary qarasha aıynyń sońynda Bashar Asadtyń úkimettik kúshterine qarsy aýqymdy shabýyl bastady. Birneshe kún ishinde olar eldiń ekinshi úlken qalasy Aleppony basyp alyp, basqa da iri qalalardy baqylaýǵa aldy.
8 jeltoqsanda Sırııadaǵy sýnnıttik radıkaldy ıslamıstik "Haııat Tahrır ash-Sham" (HTSh) uıymy jetekshilik etetin kóterilisshiler Asad rejımin qulatqandaryn memlekettik telearna arqyly habarlady. Budan keıin AQSh Sırııadaǵy "Islam memleketi" lańkestik tobynyń 75-ten astam nysanyna soqqy jasady.
Bashar Asadtyń premer-mınıstri bolǵan Mýhammed Gazı ál-Djalalı Asadpen baılanysy joq ekenin jáne prezıdenttiń otbasymen qaıda ekenin bilmeıtinin málimdedi. Kúnniń sońynda Reseıdiń Syrtqy ister mınıstrligi Asadtyń «prezıdenttik qyzmetinen ketý týraly sheshim qabyldaǵanyn» jáne Sırııadan shyqqanyn habarlady. TASS Kremldegi derekkózderine silteme jasap, Bashar Asadtyń Máskeýde ekenin jazdy. Sırııalyqtar óz elinde jáne shetelde Asad rejıminiń qulaýyn toılap jatyr.
