Juma kúni Sırııalyq dıktator Bashar Asad Sırııada qalyp, onyń otbasy shetelge ketti, dep habarlaıdy "Adyrna" ulttyq portaly The Wall Street Journal basylymyna silteme jasap.
Asad Sırııada qalǵan, al onyń balalary men áıeli ótken aptada Reseıge, kúıeý balasy Birikken Arab Ámirlikterine ketken.
Mysyr men Iordanııa sheneýnikteri Asadty Sırııadan ketip, ýaqytsha keńes qurýǵa shaqyrǵan. Bul keńeske oppozıııa ókilderi qosylýy tıis dep málimdedi sheneýnikter. Alaıda AQSh-taǵy Iordanııa elshiligi Iordanııa sheneýnikteriniń sırııalyq dıktatordy elden ketýge shaqyrǵanyn joqqa shyǵardy.
Buǵan deıin túrik basylymdary Asad pen Sırııa úkimeti el astanasy Dımashyqtan ketkenin habarlaǵan bolatyn. Asad otbasymen birge oppozıııalyq kúshterdiń shabýylyna baılanysty Tegeranǵa ketkenin de aıtqan.
Sol ýaqytta CNN sırııalyq kóterilisshiler 2011 jyly bastalǵan kóterilis oshaǵy bolǵan Deraa qalasyn baqylaýǵa alǵanyn jáne Dımashyqqa jaqyndap kele jatqanyn málimdedi.
Asad rejımine qarsy shabýyldar el astanasynyń soltústigi men ońtústiginde qarqyn ala bastaǵan kezde, kúrdter basqaratyn jaýyngerler eldiń shyǵys bólikterine qaraı qozǵalǵan.
Kúrd kúshteri Sırııanyń soltústik-shyǵysyn baqylaýǵa alyp, azamattyq soǵys kezinde on jyl boıy úlken qıyndyqpen qol jetkizilgen avtonomııany ornatqan edi. Alaıda olar bul avtonomııanyń endi sırııalyq oppozıııa kóterilisshilerinen qaýip tónip turǵanyna alańdaýly. Kóterilisshilerdiń negizgi maqsaty Asad rejımin qulatý bolǵanymen, kúrd jaýyngerleri zorlyq-zombylyqtyń óz aýmaqtaryna taralýy múmkin dep qorqady.
27 qarashada bastalǵan shabýyldan keıin sırııalyq oppozıııa toptary Aleppo, Idlıb, Tel-Rıfat, Hama qalalaryn basyp alyp, Dımashyqqa deıingi sońǵy bekinis sanalatyn Homs qalasyna jaqyndaǵan.
