18 jastaǵy qazaqstandyq Dıana Murzaǵalıeva áleýmettik saladaǵy aıryqsha eńbegi úshin Dıana hanshaıym atyndaǵy bedeldi syılyqqa ıe boldy, dep habarlaıdy "Adyrna" ulttyq portaly.
Bul týraly 2024 jyldyń 6 jeltoqsanynda Ulybrıtanııanyń Qazaqstandaǵy elshiligi habarlady.
Dıana Ýels hanshaıymynyń qurmetine arnalǵan bul syılyqty onyń atyndaǵy qaıyrymdylyq uıymy tabystaıdy. Syılyqty hanshaıym Dıananyń uldary – Ýels hanzadasy Ýılıam men Sasseks gerogy Garrı qoldamaq.
Elshilik málimetinshe, Dıana Murzaǵalıevaǵa bala kezinen Semeı qalasy mańynda júrgizilgen ıadrolyq synaqtardyń saldarynan paıda bolǵan dızartrııa dıagnozy qoıylǵan.
«Dıana Murzaǵalıeva sóıleý qabileti men densaýlyǵynda qıyndyqtarǵa tap bolǵan adamdarǵa qoldaý kórsetýge óz ómirin arnady. Iadrolyq synaqtardyń saldarynan paıda bolǵan dızartrııamen kúresip, mekteptegi kelemejdeýler men kóptegen operaııalardy bastan ótkerdi. Balalyq shaǵynda sóıleı almasa da, óz oıyn jazý arqyly jetkizip, keıinnen múmkindigi shekteýli balalardyń armandary týraly oqıǵalar jazdy. Bul oqıǵalar onyń «Úmit árdaıym janymyzda» («Nadejda vsegda s namı») atty anımaııalyq fılmine negiz boldy», – dep atap ótti elshilik.
Dıana Murzaǵalıeva «Inklıýzıv akademııasyn» jáne jasandy ıntellektke negizdelgen SpeakUp qosymshasyn qurdy. Bul qosymsha sóıleý qabileti buzylǵan adamdarǵa kómektesedi. Onyń jumysy bilim, tehnologııa jáne storıtellıng arqyly jahandyq ınklıýzııany alǵa jyljytýǵa baǵyttalǵan. Elshilik Dıanany «kedergilerdi buzyp, búkil álemde ınklıýzııany damytyp jatqan tulǵa» dep sıpattaıdy.
Syılyqtyń 25 jyldyǵyna oraı prın Ýılıam Dıanaǵa arnaǵan hatynda:
«Premııanyń 25 jyldyq mereıtoıynda álemniń túkpir-túkpirinen kelgen jastardyń eńbeginiń tanylǵanyn kórý keremet. Keıde álem belgisiz ári kúrdeli kórinýi múmkin, biraq sizder kóp kúsh jumsap, kedergilerdi jeńip, oń ózgeristerge úles qosyp jatqandaryńyz anyq. Sizderge syılyq tabystalǵan kezde, meniń anam, hanshaıym Dıana, sizdermen maqtanar edi. Bul syılyq sizderdiń ári qaraı da adamdarǵa kómektesip, aınalańyzdaǵy álemdi jaqsartýǵa kúsh berýin tileımin», – dep jazdy.
Dıana bul kúnniń ózi úshin óte mańyzdy ekenin aıtyp, bul sátti ómir boıy esinde saqtaıtynyn jetkizdi.
«Búgin men úshin erekshe kún. Men Sasseks gerogy Ýılıamnan alǵys hat alyp, hanshaıym Dıana syılyǵynyń ıegeri atanǵanymdy maqtanyshpen jarııalaımyn!» – dep jazdy ol Instagram paraqshasynda.
Dıana óziniń bala kezindegi armany – erekshe qajettilikteri bar balalarǵa kómektesý ekenin eske alyp, osy arman ony búgingi jetistikke jetkizgenin aıtty.
«Prıntiń hatyn oqyǵanda, meniń kózime jas keldi. Men bir kezderi kúndeligime erekshe qajettilikteri bar balalarǵa kómektesý týraly jazǵan kishkentaı qyzdy eske aldym. Ol kezde mundaı ýáde meni osyndaı keremet tanýǵa jetkizedi dep oılaǵan emespin», – dep bólisti qazaqstandyq boıjetken.
Sońynda Dıana ózine qoldaý kórsetken ata-anasyna, ustazdaryna, dostaryna, IýNISEF úılestirýshilerine jáne Diana Award uıymynyń ujymyna alǵys aıtyp, barsha adamdardy álemdi jaqsartýǵa úles qosýǵa shaqyrdy.
