Aýyl sharýashylyǵy mınıstrligi komıtetiniń burynǵy tóraǵasy Darhan Ábdikárimovke úkim shyqty. Bul týraly Qostanaı qalasynyń №2 soty málimdedi, dep habarlaıdy “Adyrna” ulttyq portaly.
Sottyń habarlaýynsha, 2024 jyldyń maýsym aıynda Ábdikárimov Qostanaıda JShS dırektorynyń birinen 2 mln teńge para alǵan. Sol jyldyń tamyzynda 78 125 000 teńge somasyna bir kózden alý tásilimen pestııdterdi satyp alý týraly shart jasasqany úshin 2,4 mln teńge taǵy alǵan.
Tergeý barysynda kúdiktiler qylmys jasaǵanyn moıyndap, ókinish bildirgen.
Prokýror sottan sheneýnikti 3,6 jylǵa, al kásipkerli 3 jylǵa sottaýdy surady.
Sot úkimimen Ábdikárimov 3 jyl 6 aı merzimge, al kásipker 3 jyl merzimge bas bostandyǵynan aıyryldy. Sheneýnik alǵan para memleket kirisine tárkilenedi.
