24 jylǵa sottalǵan eks-mınıstr Qýandyq Bıshimbaevtyń advokaty sot úkimine shaǵymdanatynyn aıtty, dep habarlaıdy "Adyrna" ulttyq portaly.
Advokat Láılá Ramazanova sot otyrysynan keıin Orda.kz tilshisiniń sot úkimine baılanysty saýalyna jaýap berdi.
«Iá, biz shaǵymdanamyz. Árıne, biz úkimmen kelispeımiz. Josparymyz qandaı ekenin aıta almaımyn, biz áli qujattardy alǵan joqpyz. Sot úkimi shyqqannan keıin bes kúnnen keshiktirmeı olardy qabyldaýymyz kerek»,- dedi Láılá Ramazanova.
Al, jábirlenýshi taraptyń advokaty bolǵan Janna Orazbaqova áleýmettik jelilerinde ádilqazylarǵa obektıvtiligi men ádildigi úshin alǵysyn bildirdi.
"Qazylar alqasyna obektıvtiligi men ádildigi úshin alǵys aıtqym keledi! Alqabıler arasynda kóptegen áıelder boldy, men olarǵa qanshalyqty qıyn ekenin kórdim. Jumystaryńyzǵa raqmet!" - dedi advokat jelidegi paraqshasynda.
13 mamyr kúni sot áıelin qatygezdikpen óltirgen Bıshimbaevty 24 jylǵa bas bostandyǵynan aıyrdy. Eger úkim ózgerissiz qalsa, eks-mınıstr jazasyn Aqmola oblysyndaǵy Arshaly kolonııasynda óteıtin bolady.
Sot proesi eki aıdan astam ýaqytqa sozylǵan bolatyn. Nátıjesinde Qýandyq Bıshimbaev kináli dep tanylyp, 24 jylǵa bas bostandyǵynan aıyryldy. Al onyń týysy Baqytjan Baıjanov qylmysty jasyrǵany úshin tórt jylǵa sottaldy.
