Franııa ulttyq jıynynyń depýtattary premer-mınıstr Mıshel Barneniń úkimetine senimsizdik bildirdi. Bul sheshim kópshilik daýyspen qabyldandy, nátıjesinde mınıstrler kabıneti otstavkaǵa ketýge mindetti boldy, dep habarlaıdy "Adyrna" ulttyq portaly.
Premer-mınıstr qyzmetinen ketýi úshin usynysty 331 depýtat qoldady. Mıshel Barne Franııa tarıhyndaǵy eń qysqa merzimde qyzmet etken premer-mınıstr retinde tirkeldi. Ol bul laýazymǵa bar bolǵany 90 kún buryn taǵaıyndalǵan edi. Endi Barne men onyń kabıneti jańa premer-mınıstrdi taǵaıyndaǵanǵa deıin ýaqytsha mindetterin atqarýdy jalǵastyrady.
Franııa Konstıtýııasy boıynsha, bir jylda eki ret saılaý uıymdastyrýǵa bolmaıdy. Sondyqtan prezıdent Emmanýel Makron úkimet daǵdarysyn sheshý úshin 5 jeltoqsanda halyqqa úndeý jasaıdy dep kútilýde.
Barneniń otstavkaǵa ketýine alyp kelgen basty sebepterdiń biri – áleýmettik saqtandyrý bıýdjeti týraly zań jobasyn parlament arqyly ótkizý áreketi boldy. Bul qadam parlamenttegi oppozıııalyq kúshterdiń narazylyǵyn týdyrdy. Ýltraońshyl "Ulttyq birlestik" partııasynyń kóshbasshysy Marın Le Pen men solshyl "Qaısar Franııa" partııasynyń jetekshisi Jan-Lıýk Melanshon senimsizdik votýmyn qoldaıtyndaryn málimdedi.
4 jeltoqsan kúni parlamentte bolǵan pikirtalasta Marın Le Pen premer-mınıstrdi synǵa alyp, onyń bıýdjet jobasyn "eldiń ekonomıkalyq turaqtylyǵyna qaýip tóndirý" dep atady. Ol partııasynyń radıkaldy solshyl kúshtermen birge áreket etýge májbúr bolǵanyn atap ótti.
"Bul jaǵdaı bizdi radıkaldy solshyldarmen birigip, daýys berýge ıtermeledi. Biz muny tek bıýdjetti toqtatý úshin amal retinde paıdalandyq," – dep túsindirdi Le Pen.
Premer-mınıstr Mıshel Barne franýz BAQ-taryna bergen suhbatynda bıýdjet boıynsha oppozıııalyq partııalarmen kelissózder júrgizýge daıyn ekenin jáne óz ornynda qalýǵa úmitti ekenin aıtqan edi. Alaıda, ulttyq jıynnyń daýys berýi onyń saıası taǵdyryn anyqtap berdi.
