Álemdi jaýlaǵan pandemııa kezinde adam saýdagerleri qıyn jaǵdaıdy paıdalanyp, qylmystyq áreketterin kúsheıtti. Bul derekti Birikken Ulttar Uıymynyń ózi rastaǵan edi.
Adam saýdasy barlyq elderde erekshe oryn alady. Dúnıe júzinde júzdegen myń adam osyndaı qylmystardyń qurbanyna aınalady. Olar seksýaldyq nemese eńbek qanaý, qarýly kúshterge shaqyrý, qylmystyq áreketterge qatysý, qaıyr suraý nemese tipti ómirlik mańyzdy múshelerdi satý maqsatynda alyp tastaý úshin satylady.
Pandemııa bul máseleni odan saıyn qıyndatyp jiberdi. Qylmyskerler halyqtyń jaǵdaıyn paıdalanyp, kúnkórissiz qalǵandardy óz jelilerine tarta bastady. Olar kóp adamnyń tabyssyz qalǵanyn, al balalardyń mektepke barmaı, ýaqytynyń kóp bóligin ınternette ótkizetinin jeke bas múddelerine qoldanady.
Sonymen qatar, pandemııa kezinde qozǵalysty shekteý, halyqaralyq reısterdi toqtatý jáne basqa da koronavırýstyń taralýyn tejeý sharalary adam saýdasynyń qurbandarynyń qashatyn jeri jáne kómek suraıtyn eshkimniń qalmaýyna ákeldi. Degenmen, jańa esepte birqatar úkimettik emes uıymdar barlyq osy shekteýlerge qaramastan, zardap shekkenderge negizgi qyzmetterdi kórsetýdi jalǵastyryp jatyr.
Olar adamdardy jumysqa ornalastyramyz dep jalǵan ýádelermen arbaıdy. Qazirgi qul saýdasynyń qurbandary eńbek qanaýyna ushyraıdy. Bul aqıqat.
Daǵdarys kezinde balalar óte osal jaǵdaıda qaldy. Qylmyskerler áleýmettik jelilerdi jáne basqa da onlaın-platformalardy jumysqa tartý úshin suranys aıtarlyqtaı ósken.
Taldaýlarǵa súıensek, daǵdarys kezinde qylmys kóbeıedi. Sebebi, adam saýdagerleri «jańa jaǵdaılarǵa» tez beıimdeldi.
