Jitiqarada órt saldarynan bes balasynan aıyrylǵan anaǵa páter berildi, dep habarlaıdy "Adyrna" ulttyq portaly "Informbıýroǵa" silteme jasap.
Jitiqara aýdanynyń ákimi bes balasynan aıyrylǵan anaǵa materıaldyq kómek kórsetilip, ótemaqy tólengenin málimdedi.
Úlken ulymen úısiz qalǵan áıelge, eki kásiporyn eki bólmeli páter syılaǵan. Odan bólek, turmystyq tehnıka men jıhazben qamtamasyz etilgen. Balalardyń ákesi jaqynda túrmeden bosatylǵan.
"Vseobých" qory arqyly balaǵa 100 AEK kóleminde kómek kórsetildi, ony kıindirip, aıaq kıimmen qamtamasyz ettik. Bul qaıǵyly jaǵdaıdan aman qalǵan úlken uly mektepke baryp júr. Astana qalasynan kelgen kásipkerler bizge habarlasyp, balaǵa shaǵyn depozıt ashqysy keletinderin aıtty. Qazirgi naqty sheshimdi bilmeımin, biraq olar ózderi bastama bildirgen”, – deıdi Qostanaı oblysy Jitiqara aýdanynyń ákimi Aslan Janysbaev.
Eske sala keteıik, osy jyldyń qazan aıynda Qostanaı oblysy Jitiqara qalasynda jeke turǵyn úıde shyqqan órt saldarynan úı shatyry opyrylyp túsip, bes bala qaza tapqan.
