Qazaqstan men Reseı mektepterinde Uly Jeńiske arnalǵan birlesken baıqaý ótkizý josparlanýy múmkin, dep habarlaıdy "Adyrna" ulttyq portaly astanatv-ǵa siltep.
Bul ıdeıany Astanada ótken Qazaqstan-Reseı ǵylymı forýmynda reseılik ǵalymdar usynǵan. Astanada ótken Qazaqstan-Reseı forýmy eki eldiń jetekshi tarıhshy ǵalymdary men memlekettik jáne qoǵam qaıratkerlerin biriktirdi. Forým aıasynda «Qazaqstan men Reseıdiń tarıhı ǵylymy: yntymaqtastyqtyń bolashaǵy» taqyrybynda dóńgelek ústel ótti.
Is-sharany L.N. Gýmılev atyndaǵy Eýrazııa ulttyq ýnıversıteti Ulttyq tarıhshylar kongresimen birlesip, Ǵylym jáne joǵary bilim mınıstrliginiń qoldaýymen uıymdastyrdy. Eki eldiń sarapshylary birlesken jobalardy talqylap, sońǵy jyldardaǵy jumystarynyń nátıjelerin qorytyndylady.
Jıyn barysynda Qazaqstan men Reseı mektepterinde oqýshylar arasynda Uly Jeńis taqyrybyna arnalǵan shyǵarmalar baıqaýyn ótkizý usynysy aıtyldy. Sheteldik sarapshylardyń aıtýynsha, bul baıqaý úshin Qazaqstan tarapymen daıyndalǵan qujattama qazirdiń ózinde ázir.
"Uly Jeńiske arnalǵan mekteptik jumystar baıqaýyn birlese ótkizý usynyldy. Mundaı baıqaýdy biz 2019 jyly sátti uıymdastyrǵan bolatynbyz. Qazaqstan tarapymen daıyndalǵan baıqaý qujattamasy bar, ári zertteý taqyryptary boıynsha usynystar bar. Sondaı-aq shekaralas qalalarda ortaq tarıhqa arnalǵan konferenııalar ótkizý týraly ıdeıalar bar. Budan bólek, Qazaqstan men Reseı aımaǵynyń damýyna aıtarlyqtaı úles qosqan belgili ǵalymdardyń rólin zertteý usynyldy", - dedi tarıhshy Mıhaıl Lıpkın óz sózinde.
