Alaıaqtar reseılikterge qazaqstandyq azamattyqty rásimdeý týraly jalǵan jarnama taratýda, dep habarlaıdy «Adyrna» ulttyq portaly.
Habarlandyrýda azamattyqty satyp alý múmkindigi 6500 eýrodan bastalatyny jáne bólip tóleý múmkindigi bar ekeni aıtylǵan. Qazaqstandyq pasporttyń birqatar artyqshylyqtary bar ekeni, sonyń ishinde tegin medıınalyq kómek, 90 elge vızasyz kirý jáne E-2 amerıkalyq vızasyn alý múmkindigi kórsetilgen.
Qazaqstan IIM bul aqparatty joqqa shyǵaryp, ony alaıaqtyq dep atady.
"Internette keńes berý, qujattardy jınaý jáne IIM organdarynda birqatar kóshi-qon qyzmetterin, sonyń ishinde azamattyq alý rásimin resimdeý boıynsha qyzmet kórsetetin kompanııalardyń jarnamalary jarııalanýda. Alaıda bul fırmalar azamattyq ta, jeke basty kýálandyratyn qujattar da bermeıdi. Osyǵan baılanysty IIM ınternet arqyly alaıaqtyq jaǵdaılary bolýy múmkin ekenin eskertedi," – dep málimdedi mınıstrliktiń baspasóz qyzmeti.
Sondaı-aq, IIM Qazaqstan azamattyǵyn alýdyń jalǵyz joly – ishki ister organdaryna jeke ótinish berý ekenin eske saldy. Qujattar paketin senimhat boıynsha nemese úshinshi tulǵalar arqyly tapsyrýǵa tyıym salynady.
