2024 jyldyń 28-30 qarasha kúnderi aralyǵynda Qazaqstannyń Halyq ártisi, kórnekti kıno jáne teatr rejısseri, dramatýrg, kınosenarıst, ónertaný professory Talǵat Temenovtiń shyǵarmashylyǵyna arnalǵan «Temenovtiń sýretkerlik álemi» atty óner kúnderiniń ótedi.
Bul óner kúnderinde Talǵat Dosymǵalıulynyń elimizdiń teatr jáne kıno óneriniń damýyna jáne jas talanttardy tárbıeleýge qosqan zor úlesin atap ótedi.
Óner kúnderi aıasynda Temenovtiń rejısserligimen sahnalanǵan qoıylymdar kórermen nazaryna usynylyp, tanymal fılmderinen úzindiler kórsetiledi.
Talǵat Temenov – teatr jáne kıno ónerinde aty máshhúr, tanymal tulǵalardyń birinen sanalady. Sharanyń maqsaty da kórermendi ǵajaıyp kóńil-kúıge bóleıtin qoıylymdardy kórermen nazaryna usynyp, mán-maǵynasy jaıynda tereńnen oı qozǵaǵan óner ıesiniń shyǵarmashylyǵynyń ónegeli órnekteri men sahnager bolmysynyń erekshe qyrlaryn nasıhattaý bolyp tabylady.
Óner kúnderi barysyna toqtala keteıik, 28-qarasha kúni saǵat 17:00-18:30 aralyǵynda Q.Qýanyshbaev atyndaǵy Qazaq ulttyq drama teatrynyń kishi zalynda «T.Temenov fılmderiniń estetıkasy» atty shyǵarmashylyq kezdesý ótedi. Al, keshki 19:00-de Qazaqstannyń Halyq ártisi, kórnekti kıno jáne teatr rejısseri, dramatýrg, kınosenarıst, ónertaný professory Talǵat Temenovtiń shyǵarmashylyǵyna arnalǵan «Temenovtiń sýretkerlik álemi» atty óner kúnderiniń saltanatty ashylýy ótse, 19:15-te Ý.Shekspırdiń «Otello» tragedııasyn Q.Qýanyshbaev atyndaǵy Qazaq ulttyq mýzykalyq drama teatrynda sahnalaıdy.
29-qarasha kúni 15:00-de Talǵat Temenovtiń «Myńmen jalǵyz alystym» atty pesasynyń ashyq oqylymy ótse, 17:00-de «T.Temenov fılmderindegi kórkem beıneler» atty shyǵarmashylyq kezdesý ótedi. Al saǵat 19:00-de B.Ejovtyń «Tyraýlap ushqan tyrnalar» lırıkalyq dramasy qoıylady. Q.Qýanyshbaev atyndaǵy Qazaq ulttyq mýzykalyq drama teatry kórermen nazaryna usynady.
30-qarasha kúni 17:00-de «T.Temenov fılmderindegi rýhanı qundylyqtar» atty shyǵarmashylyq kezdesý ótedi. Ótetin orny: Q.Qýanyshbaev atyndaǵy Qazaq ulttyq mýzykalyq drama teatry (Kishi zal).
Saǵat 18:00-de Qazaqstannyń Halyq ártisi, kórnekti kıno jáne teatr rejısseri, dramatýrg, kınosenarıst, ónertaný professory Talǵat Temenovtiń shyǵarmashylyǵyna arnalǵan «Temenovtiń sýretkerlik álemi» atty óner kúnderiniń saltanatty jabylýyn Sh.Aıtmatovtyń «Qyzyl oramaldy Shynarym» lırıkalyq dramasymen jabady. Ótetin orny: Q.Qýanyshbaev atyndaǵy Qazaq ulttyq mýzykalyq drama teatry.
