Birikken Arab Ámirlikteri bıligi Moldova azamattyǵyn alǵan ızraıldik ravvın vı Kogandy óltirdi degen kúdikpen Ózbekstannyń úsh azamatyn qamaýǵa aldy. Bul týraly VVS jazdy, dep habarlaıdy “Adyrna” ulttyq portaly.
BAÁ Ishki ister mınıstrligi málimetinshe, qamaýǵa alynǵandardyń ekeýi – 28 jasta, al úshinshisi – 33 jasta.
Ózbekstannyń aqparat quraldary kúdiktilerdiń aty-jóni Olımboı Davlaterov, Mahmýdjon Kenjaboev jáne Azızbek Ismoılov dep jazady. Bul rette BAÁ Ishki ister mınıstrligi óz habarlamasynda olardyń aty men ákesiniń atyn ǵana jazǵan.
El bıligi kúdiktilerdiń kisendegi jáne betin jaýyp turǵan sýretterin jarııalady.
Foto: VVS
Reuters agenttigi habarlaǵandaı, quqyq qorǵaý organdary bul adamdarǵa resmı aıyp taǵylǵany týraly áli habarlaǵan joq.
28 jastaǵy ýltra pravoslav ravvıni vı Kogan ótken aptanyń beısenbi kúni joǵalyp ketken. Onyń denesi jeksenbi kúni tabylǵan.
«Kogan birneshe jyl Dýbaıda turyp, sol jerde azyq-túlik dúkenin basqarǵan», - dep habarlaıdy Associated Press.
Birikken Arab Ámirlikteriniń Syrtqy ister mınıstrligi men Ishki ister mınıstrligi Kogannyń joǵalýyn tergeý týraly aıtqanda, ony tek Moldova azamaty dep kórsetken.
Izraıl premer-mınıstri Bınıamın Netanıahý bul qylmysty «antısemıttik lańkestik áreket» dep atady.
Birikken Arab Ámirlikteriniń birneshe myńǵa jýyq evreı qaýymdastyǵynyń músheleri kisi ólimine alańdaýshylyq bildirip otyr.
BBC ózbek qyzmetiniń redaktory Haırýllo Faızdyń aıtýynsha, kúdiktiler týraly barlyq aqparat negizinen BAÁ Ishki ister mınıstrliginen alynǵan.
BAÁ-degi Ózbekstan elshiligi BBC saýalyna keıinirek jaýap berýge ýáde bergen, biraq Kogandy óltirdi degen kúdikpen el azamattarynyń qamaýǵa alynǵany týraly derekterdi joqqa shyǵarmaǵan.
