Kókshetaýda №6 mektep-lıeıiniń dárethanalaryna beınebaqylaý kameralardyń ornatylýy, ata-analardyń narazylyǵyn týdyrdy, dep habarlaıdy "Adyrna" ulttyq portaly sinegor.kz-ke silteme jasap.
"№6 mektepte dárethanalarǵa kameralar ornatyldy. Bul jantúrshigerlik jaǵdaı! Mektep ákimshiligi qaıda qarap otyr? Olar ata-analardan ruqsat alǵan joq. Kamera joǵary ilingen, kabınanyń ishinde adamnyń beınesi, basy kórinýi múmkin," dep keıbir ata-analar narazylyqtaryn bildirdi.
Mektep ákimshiligi beınekameralar uldardyń dárethanalaryna oqýshylardyń qaýipsizdigin qamtamasyz etý maqsatynda ornatylǵanyn jáne balalardyń qupııalylyq quqyǵyn saqtaý shartymen bilim bóliminiń basshysymen aldyn ala kelisilgenin túsindirdi.
"Kameralar kabınalardyń ishki keńistigi beınebaqylaý aımaǵyna túspeıtindeı etip ornatylǵan. Mundaı sheshimge buzaqylyq faktileri, tóbeles jáne jasóspirimderdiń janjaldasý oqıǵalary sebep boldy. 25 qarashaǵa synyptardaǵy ata-analar komıteti men qamqorshylyq keńes ókilderiniń jınalysy belgilendi. Kezdesý barysynda balalardyń quqyqtarynyń buzylmaǵanyn rastaıtyn beınejazba kórsetiledi", - delingen habarlamada.
