Kelesi aıdan bastap keıbir abonentterde tarıf baǵasy qymbattamaq, dep habarlaıdy "Adyrna" ulttyq portaly Tengrinews.kz-ke siltep.
Kcell jáne Activ abonentterine tarıfter boıynsha abonenttik tólem ósetini týraly habarlamalar kelgen. Al bul ósimge operatorlar:
"Baǵalardyń ortasha ósimi tarıftiń qazirgi sharttaryna baılanysty 6-dan 25 paıyzǵa deıin (orta eseppen 400 teńge) bolady", – dep jaýap berdi.
Kcell jáne Activ tarıftik saıasaty naryqtyq jaǵdaılarǵa baılanysty qalyptasatyny da aıtyldy.
"Bizdiń ózindik qunymyz jyl saıyn ósip keledi. Mysaly, elektr energııasynyń qymbattaýy tarıf qunyna tikeleı áser etedi. Salystyrmaly túrde aıtsaq, bir bazalyq stanııa 20 ortasha páter tutynatyn elektr energııasyn paıdalanady. Sonymen qatar, valıýta baǵamynyń aýytqýy da qyzmet qunyna áser etedi, sebebi jelini jańǵyrtý jáne qoldaý úshin qajetti jabdyq shetelden satyp alynady", – dep túsindirdi kompanııa.
Aıta keteıik, qazaqstandyqtar 4 tamyz kúni Tele2 men Altel operatorlaryndaǵy ınternet máselesine shaǵymdanǵan edi.
