Soltústik Qazaqstan oblysynda jyl sońyna deıin 45 aýyl qysqartylady, dep habarlaıdy "Adyrna" ulttyq portaly "Habar" agenttigine siltep.
Qazir osyǵan baılanysty ákimdik pen máslıhattyń birlesken qaýlysy shyqqan.
Soltústik Qazaqstan oblysynda "jabylaıyn" dep turǵan aýyldyń biri - Krasnopıorovka. Aýyl turǵyny aýyldan kóshkisi kelmeıtinin aıtqan.
“Men ózim qalada tura almaımyn. Kóp bolsam, qan qysymym kóterilip ketedi. Kezinde bul úlken aýyl edi. Keńsharda 12 myń mal boldy. Qazaq, orys, tatar – bárimiz tatý-tátti ómir súrdik”, – deıdi Krasnopıorovka aýylynyń turǵyny Atlas Faırýshın.
Soltústik Qazaqstan oblysynda bıyl adam sany onnan aspaıtyn 45 eldi meken qysqartýǵa ushyraıtyn bolady.
“Bul aýyldarda 10 adamnan kem turady. Ortasha eseppen jalpy mysaly 3 adam turatyn bar, 5 adam turatyn bar, aýyldar bar. Osy 45 aýyldyń ishinde jeteýinde múlde turǵyn joq. Bul azamattarǵa basqa perspektıvasy joǵary aýyldarǵa kóshýge kómek kórsetiledi”, – dedi oblys ákiminiń baspasóz hatshysy Tımýr Ábdireshov.
