Ulan Qonysbaev Stanıslav Cherchesovqa qatysty pikir bildirdi, dep habarlaıdy “Adyrna” ulttyq portaly.
Qazaqstan ulttyq quramasynyń burynǵy oıynshysy Ulan Qonysbaev quramanyń bas bapkeri Stanıslav Cherchesovtyń jumysyna kóńili tolmaıtynyn ashyq aıtty.
“Eger mende múmkindik bolsa, Cherchesovty qyzmetinen birinshi bolyp bosatar edim! Quramanyń qazirgi oıynyn kórip, bári túsinikti bolady,” – dedi Qonysbaev bizdiń tilshimizge bergen suhbatynda.
ÝEFA Ulttar lıgasynyń osy kúzde ótken alty matchynda Qazaqstan quramasy Cherchesovtyń jetekshiligimen bes ret jeńilip, tek bir kezdesýde teń oınady. Sonymen qatar, bul kezeńde Norvegııa, Avstrııa jáne Slovenııa quramalaryna qarsy oınaǵan qazaqstandyq fýtbolshylar birde-bir gol soǵa almady.
Aıta keteıik, fýtboldan Qazaqstan quramasy Ulttar lıgasynyń sońǵy oıynynda Norvegııa quramasynan 5:0 esebimen jeńilip qalǵan edi.
