2024 jyldyń qarasha aıynyń 21-i Túrkııa Respýblıkasy Ankara qalasynda ornalasqan Prezıdenttik Ulttyq kitaphanada «TURKTAV» Túrki tarıhy jáne mádenıeti qory, «KÖK TUĞ» qazaq mádenıeti qaýymdastyǵynyń uıymdastyrýymen M.O.Áýezov atyndaǵy Ádebıet jáne óner ınstıtýtynyń Bas dırektory, QR UǴA akademıgi, fılologııa ǵylymdarynyń doktory Kenjehan Islámjanuly Matyjanovtyń «QAZAQTYŃ OTBASY FOLKLORY» atty eńbegi «KAZAK AİLE FOLKLORU» degen atpen túrik tilinde jaryq kórdi.
Tusaýkeser rásiminde Túrkııa Respýblıkasy Prezıdenttik Ulttyq kitaphanasynyń dırektory Aıhan Týglý, Qazaqstan Respýblıkasynyń Túrkııa Respýblıkasyndaǵy elshiliginiń attashesi Dinmuhamed Ómiráli, Túrkologııa ǵylymı-zertteý ınstıtýty dırektorynyń orynbasary, kitapty túrik tiline aýdarǵan Halıl Chetın, «KOK TUĞ» qazaq mádenıeti qaýymdastyǵynyń basshysy Qaragóz Ahmetova arnaıy sóz alyp, Kenjehan Islámjanulyn quttyqtap, izgi tilekterin bildirdi. Sharany «TURKTAV» Túrki tarıhy jáne mádenıeti qorynyń vıe-prezıdenti Asel Laqaeva júrgizdi.
Sonymen qatar sharaǵa Ankara Hajy Baıram Velı ýnıversıtetiniń professory Gúljanat Qurmanǵalıeva-Erjılasýn, Hadjettepe ýnıversıteti folklortaný bóliminiń professory Ozgýl Chobanoglý, «TURKTAV» Túrki tarıhy jáne mádenıeti qorynyń prezıdenti Nızamettın Aıkýrt, M.O. Áýezov atyndaǵy Ádebıet jáne óner ınstıtýtynyń baspasóz hatshysy Maǵazbekov Nur jáne Hadjettepe, Ankara Hajy Baıram Velı ýnıversıtetiniń oqytýshylary, ádebıettanýshylar, tarıhshylar qatysty.
Kenjehan Islámjanuly óz sózinde barlyq uıymdastyrýshylarǵa alǵysyn bildirip, túrki eline Qazaq halqynyń ystyq sálemin joldady. Sondaı-aq aýdarylyp otyrǵan eńbektiń qysqasha mazmunymen tanystyrdy.
«Qazaqtyń otbasy folklory» atty kitap «Taqyryptyń tarıhnamasy», «Janr tabıǵaty», «Álpeshteý folklory», «Úılený folklory», «Azalaý folklory», «Tarıhı poetıka máseleleri» dep atalatyn alty taraýdan quralǵan.
Tarıhy, taǵdyry toǵysqan, túbi bir baýyrlas Túrkııa men Qazaqstan elderiniń arasyndaǵy ádebı-mádenı baılanystar nyǵaıyp, yntymaq-birligi arta bersin!
Maǵazbekov Nur
M.O. Áýezov atyndaǵy Ádebıet jáne óner ınstıtýtynyń baspasóz hatshysy
