Memleket basshysy Qasym-Jomart Toqaev Premer-mınıstrge, Prezıdent ákimshiliginiń basshysyna jáne kúshtik qurylymdardyń jetekshileri men barlyq ákimderge Ýkraına tóńiregindegi jaǵdaıdyń ýshyǵýyna baılanysty negizgi áskerı jáne azamattyq nysandardyń qaýipsizdigin qamtamasyz etý jóninde shuǵyl sharalar qabyldaýdy tapsyrdy. Bul týraly Qazaqstan prezıdentiniń baspasóz hatshysy Berik Ýálı jarııalady, dep habarlaıdy “Adyrna” ulttyq portaly.
«Parlament palatalarynyń tóraǵalary qabyldanyp jatqan is-qımyl týraly habardar etildi.Prezıdent elimizdegi jaǵdaıdy óz baqylaýynda ustap otyr.
Bizdiń elimiz úshin basty strategııalyq maqsat – turaqtylyqty, tynyshtyqty, zań men tártip ústemdigin saqtaý.
Qazaqstan slavıan eki halyq arasyndaǵy qaqtyǵysty kelissóz arqyly toqtatý qajet ekenin birneshe ret málimdegen bolatyn», delingen habarlamada.
