Túrki álemi elderi óner termınderiniń biryńǵaı sózdigi men ánuranyn jazýda jumys júrgizip jatyr, dep habarlaıdy "Adyrna" ulttyq portaly Ulysmedıaǵa siltep.
Bul bastamany Ankara mýzyka jáne beıneleý óneri ýnıversıtetiniń rektory, Túrki memleketteri óner ýnıversıtetteri odaǵynyń tóraǵasy, professor Erhan Ózden kótergen. Aldaǵy ýaqytta sózdik ónerdiń barlyq baǵyttaryn qamtyp, ártúrli túrki tilderindegi maǵynalaryn eskere otyryp, termınder usynylady. Bul - enıklopedııanyń bir túri bolmaq.
"Jobanyń maqsaty – barlyq túrki elderi úshin túsinikti ári qoljetimdi termınderdiń biryńǵaı bazasyn qurý. Bul bizdiń aımaq halyqtarynyń tili men mádenıetiniń birligin nyǵaıtýǵa kómektesedi", - dep atap ótti Erhan Ózden.
Kelesi mańyzdy jobanyń biri - túrki memleketteriniń ortaq ánuranyn jazý. Professor ánurannyń mátini men áýeni túrki halyqtaryn biriktiretin tarıhty, dástúrler men qundylyqtardy beıneleıtinin de tilge tıek etti.
"Ánuran barlyq túrki elderiniń ókilderine túsinikti tilde jazylady. Biz onyń birligimiz ben ortaq bolashaǵymyzdyń sımvolyna aınalýyna umtylamyz", — dedi professor Ózden.
Ánuran jazý boıynsha jumys jedel qarqynmen júrgizilip jatyr.
