Shymkent qalasynda 2024-2025 jylǵy jylytý maýsymynda tótenshe jaǵdaılardyń aldyn alý maqsatynda aýqymdy jumystar qarqyn aldy. Tótenshe jaǵdaılar departamenti turǵyndardyń qaýipsizdigin qamtamasyz etý úshin júıeli túrde aqparattyq, profılaktıkalyq jáne tehnıkalyq is-sharalar júrgizip jatyr. Maýsymnyń basynan beri 54 myńnan astam adam qaýipsizdik sharalary týraly aqparatpen qamtylyp, áleýmettik osal toptarǵa erekshe kóńil bólindi.
Áleýmettik jelilerde 200-den astam post jarııalanyp, turǵyndarǵa qaýipsizdik sharalary túsindirildi.
Buqaralyq aqparat quraldarynda 123 materıal jaryq kórdi, onyń ishinde: 37 gazet maqalasy, 23 telehabar, 63 radıo habarlama.
Qalanyń shaǵyn aýdandarynda 185 ret daýys zoraıtqyshpen túsindirme habarlamalar jasaldy.
* 25 848 turǵyn úı aralanyp, túsindirý jumystary júrgizildi.
* 68 ınteraktıvti sabaq ótkizilip, 2 000-nan astam oqýshy qaýipsizdik negizderin meńgerdi.
* Qoǵamdyq oryndar men shaǵyn aýdandarda 82 jıyn uıymdastyrylyp, oǵan 3 myńǵa jýyq adam qatysty.
Qaladaǵy áleýmettik jaǵdaıy tómen otbasylar men gazdandyrý júrgizilmegen turǵyn úılerge erekshe kóńil bólindi:
* 136 úıge gazanyqtaǵysh qurylǵylar ornatyldy, bul ýly gazdyń áserin anyqtap, qaýipsizdikti qamtamasyz etýge múmkindik beredi.
* 193 úıdiń tútin murjalary tazalandy, bul peshti durys qoldaný arqyly tótenshe jaǵdaılardyń aldyn alýǵa baǵyttalǵan shara.
