Abhazııanyń astanasy Sýhýmıde jańa ınvestıııalyq kelisimge qarsy narazylyqtar jalǵasýda, dep habarlaıdy “Adyrna” ulttyq portaly VVS-ge siltep.
16 qarashada sherýshiler parlament ǵımaratyn basyp alyp, syrtqa shyǵýdan bas tartty. Buǵan deıin prezıdent Aslan Bjanııa narazylyq bildirýshiler úkimettik keshennen shyqqan jaǵdaıda otstavkaǵa ketetinin málimdegen edi.
«Olar ǵımarattan shyqqannan keıin, men otstavka týraly ótinish jazamyn. Jańa saılaýda kim qanshalyqty qoldaýǵa ıe bolatynyn kóremiz», – dedi Bjanııa. Qazirgi ýaqytta ol óziniń týǵan aýyly Tamyshta ekeni belgili.
Oppozıııanyń Koordınaııalyq keńesi senbi kúni halyqty jergilikti ýaqyt boıynsha 14:00-de parlament aldyna jınalyp, prezıdenttiń qyzmetten ketýin talap etýge shaqyrdy.
15 qarashada Abhazııa parlamenti Reseımen jańa ınvestıııalyq kelisimdi talqylaýǵa tıis bolǵan edi. Alaıda bul qujat jergilikti halyq arasynda alańdaýshylyq týǵyzdy. Olar kelisimniń Reseı bıznesiniń keńeıýine jol ashyp, abhazııalyqtardyń týrızm salasynan tabys tabýyna kedergi keltirýi múmkin ekenin aıtty.
Narazylyqtar 12 qarashada bes oppozıııa ókiliniń ustalýynan bastaldy jáne bir apta boıy jalǵasty. Senbi kúni narazylyq bildirýshiler málimdeme jasap, úkimet ǵımarattaryn basyp alý áreketteriniń Reseımen tyǵyz qarym-qatynasqa qarsy baǵyttalmaǵanyn aıtty. Degenmen, olar prezıdentti osy baılanystardy jeke múddesine paıdalanyp, rejımin kúsheıtý úshin manıpýlıaııa jasady dep aıyptaýda.
Reseıdiń syrtqy ister mınıstrligi Abhazııadaǵy oqıǵalardy «daǵdarys jaǵdaıy» dep atap, alańdaýshylyq bildirdi. Sonymen qatar, Reseı azamattaryn bul aımaqqa sapar shekpeýge shaqyrdy.
Aıta ketsek, Reseı Abhazııa men Ońtústik Osetııanyń táýelsizdigin 2008 jyly Grýzııamen bolǵan bes kúndik soǵystan keıin moıyndaǵan bolatyn. Alaıda halyqaralyq qaýymdastyq bul aımaqtardy Grýzııanyń bir bóligi dep esepteıdi.
