Búgin ataqty boksshy Maık Taıson (50-6-0,44KO) sharshy alańǵa qaıta oralyp, ózinen 31 jas kishi amerıkalyq tanymal bloger Djeık Polmen (10-1-0,7KO) judyryqtasty, dep habarlaıdy "Adyrna" ulttyq portaly.
Boksshy Maık Taıson 58 jasta judyryqtasyp, alǵashqy raýndta óte jaqsy óner kórsetti. Alaıda Djeık Pol jekpe-jekti sońyna deıin baqylaýynda ustady.
8 raýndqa sozylǵan kezdesý Taısonnyń qarsylasy Djeık Poldyń paıdasyna sheshildi.
Búgin Maık Taıson jetinshi ret jeńilse, Djeık Pol on birinshi ret jeńiske jetti.
Jýrnalıst Dıas Nuraqyn jelidegi paraqshasynda:
"Temir Taıson jeńilip qalypty. Biraq 58 jasynda rıngke shyǵýdyń ózi erlik emes pe? Bizdikiler bul jasta pensııaǵa jiberińder dep shýlap júr. Ózinen 31 jas kishi "paanmen" judyryqtasqan Taıson aınaldyrǵan 16 mınýtta ( 8 raýnd, 2 mınýttan) 20 mln dollar aqsha tapty. Taıson sportyq mansabyn aıaqtap, bylǵary qolǵabyn shegege ilgende qazirgi qarsylasy Djeık Pol nebári 8 jasta bolypty. Shoý degen osy. Bıznes po amerıkanskıı degen osy", - dep jazdy ol.
