Bokstan eki dúrkin Olımpıada oıyndarynyń kúmis júldegeri Ádilbek Nııazymbetov Parıj Olımpıadasyndaǵy boksshylarymyz týraly pikir bildirdi, dep habarlaıdy “Adyrna” ulttyq portaly QazAqparatqa siltep.
Boksshy Parıj Olımpadasynda el quramasynyń nátıjesin sókpeýge shaqyrdy.
”Óz basym tóreshiler jaǵynan bura tartýshylyq boldy dep esepteımin. Jarysty bastan-aıaq qarap otyrmyz. Jigitterdiń qaı-qaısy da jaqsy óner kórsetti. Tipti, utyldy degenniń ózinde, teń dárejede judyryqtasyp jatty. Qarsylastarynyń da eshqandaı artyqshylyqtaryn baıqamadym. Jigitterimiz bar kúsh-jigerin saldy. Boksshylarymyz Parıj Olımpıadasyna jeńileıin, qydyryp qaıtaıyn dep barǵan joq”, - dedi ol.
Sportshy Nurbek Oralbaıǵa jankúıer bolyp, jeńis tileıtinin aıtty.
Odan bólek, ol qazaq boksynyń shama-sharqyn Parıj Olımpıadasymen baǵalamaýǵa shaqyrdy.
“Qalaı bolmasyn, qazaq boksshylaryn olaı kókten alyp, jerge salýǵa bolmaıdy. Osyǵan deıin talaı Olımpıada oıyndarynda qanshama altyn júldelerimen eldi aıdaı álemge pash etti. Eshqandaı oıyndardan júldesiz qalyp kórgen joq. Tokıoda ǵana altynsyz qalǵanymyz bolmasa, ózge oıyndarda qashan altynsyz kelip edi. Mine, buıyrsa Nurbek Oralbaı da altyn alyp kelýi ábden múmkin. Sondyqtan, osyndaı bir sátsizdikterdi alasapyran dúnıege aınaldyryp, qazaq boksyn kúresinge laqtyra salýǵa bolmaıdy”, - deıdi Nııazymbetov.
