Almatyda kópqabatty úıdiń aýlasynda turǵan kólikterdiń ústine shirigen aǵash qulap, kólikter búlindi, dep habarlaıdy “Adyrna” ulttyq portaly KTK arnasyna silteme jasap.
Úsh avtokólik búlingen. Oqys oqıǵa 14 qarashada túski ýaqytta qalanyń Áýezov aýdanynda, Jandosov kóshesi boıyndaǵy úılerdiń biriniń aýlasynda bolǵan. Qutqarý qyzmetiniń mamandary sol mańǵa baryp, aýlany qulaǵan aǵashtan tazalaǵan, zardap shekkender joq.
Aýdandaǵy aǵashtardy kesý jumystary memlekettik satyp alý negizinde jeke merdigerge tapsyrylǵany anyqtaldy. Biraq qulaǵan tal apattyq aǵashtar tizimine enbepti.
«Avtokólikterge keltirilgen shyǵyndy óteý úshin kólik ıelerine sot organdaryna júginý usynylady. Sot kináli tulǵalardy anyqtap, jaýapkershilikti taǵaıyndaıdy. Eger sot sheshimi zardap shekken taraptyń paıdasyna shyqsa, memlekettik organdar týyndaǵan shyǵyndy Qazaqstan Respýblıkasynyń qoldanystaǵy zańnamasyna sáıkes óteýge mindetti», - dedi Áýezov aýdany ákimdigi kóriktendirý bóliminiń bas maman Záýre Qalpenova.
